Ang Propeta minsan (basbasan siya ni Allāh at pangalagaan) ay naglalakbay sa isang paglusob habang kasama niya ang mga Kasamahan kabilang sa mga Tagalikas at mga Tagaadya (malugod si Allāh sa kanila). Namalo ang isang lalaking kabilang sa mga Tagalikas ng pigi ng isang lalaking kabilang sa mga Tagaadya sa pamamagitang ng kamay niyon. Kaya nagsabi ang Tagaadya: "Saklolohan ninyo ako, O mga Tagaadya." Nagsabi naman ang Tagalikas: "Saklolohan ninyo ako, O mga Tagalikas." Kaya nagparinig nito si Allāh sa Sugo Niya (basbasan Niya ito at pangalagaan). Nagsabi siya: "Ano ito?" Kaya nagsabi sila: "Namalo po ang isang lalaking kabilang sa mga Tagalikas ng pigi ng isang lalaking kabilang sa mga Tagaadya. Kaya nagsabi ang Tagaadya: Saklolohan ninyo ako, O mga Tagaadya. Nagsabi naman ang Tagalikas: Saklolohan ninyo ako, O mga Tagalikas." Kaya nagsabi ang Propeta (basbasan siya ni Allāh at pangalagaan): "Mag-iwan kayo ng nakahiratiang pangkamangmangang iyan sapagkat tunay na iyan ay pangit na kasuklam-suklam na nakapeperhuwisyo." [Ang nakahiratiang] iyan ay na ang lalaki, kapag nadaig ng kahidwaan niya, ay nanawagan sa mga kalipi niya saka nagdadali-dali naman sila sa pag-adya sa kanya – nang-aapi man siya o naaapi, dala ng isang kamangmangan mula sa kanila at tribalismo. Nagsabi pa si Jābir: "Ang mga Tagaadya noon nang dumating ang Propeta (basbasan siya ni Allāh at pangalagaan) sa Madīnah bilang isang tagalikas ay higit na marami. Pagkatapos dumami ang mga Tagalikas matapos niyan. Nagsabi naman si `Abdullāh bin Ubayy bin Salūl: "At umabot nga ba ang usapin sa puntong ito? Sumpa man kay Allāh, talagang kung nakabalik tayo sa Madīnah ay talaga ngang magpapalisan ang mga pinakamakapangyarihan," tumutukoy siya sa sarili niya at sinumang kasama sa kanya, "mula sa Madīnah sa mga pinakakaaba-kaaba," tumutukoy siya sa Propeta (basbasan siya ni Allāh at pangalagaan) at sinumang kasama sa kanya. Kaya nagsabi si `Umar bin Al-Khaṭṭāb (malugod si Allāh sa kanya): "Hayaan mo ako, O Sugo ni Allāh, na tumaga sa leeg ng mapagpaimbabaw na ito." Nagsabi ang Propeta (basbasan siya ni Allāh at pangalagaan): "Hayaan mo siya. Hindi magsasalita ang mga tao na si Muḥammad ay pumapatay ng mga tagasunod niya, kahit pa man sa panlabas."

• Ang pagsaway laban sa mga nakahiratiang pangkamangmangang pinupulaan at mga kaugalian ng mga ito, sa salita at sa gawa, sapagkat ang Islām ay dumating para sa pagpapalayo sa mga tao roon at pagpatnubay sa kanila tungo sa kung ano ang tama at ang totoo para sa kanila.
• Ang pagbibigay-babala laban sa bulaang pagpapangkat-pangkat (factionalism) ang pag-iingat laban dito gaya ng pag-iingat laban sa bagay na nakasusulasok na pangit.
• Ang pagsaway laban sa bawat anumang pumupukaw ng awayan at di-pagkakasundo.
• Nagsabi si An-Nawawīy: Ang pagtawag niya (basbasan siya ni Allāh at pangalagaan) niyon bilang panawagan ng Panahon ng Kamangmangan ay isang pagkasuklam niya roon sapagkat iyon ay kabilang sa gawain ng Panahon ng Kamangmangan na kampihan ng mga lipi sa mga nauukol sa Mundo at mga nauugnay rito. Ang [mga tao sa] Panahon ng Kamangmangan ay nagkakamit ng mga karapatan nila sa pamamagitan ng mga tribalismo at mga lipi ngunit naghatid ang Islām ng pagpapawalang-saysay roon at pagpapasya ng mga kaso sa pamamagitan ng mga patakarang pambatas. Kaya kapag lumabag ang isang tao sa ibang tao, maghahatol ang hukom sa pagitan nilang dalawa at magpapataw siya rito ng kaukulan sa paglabag niyon ayon sa napagtibay sa mga tuntunin ng Islām.
• Nagsabi si As-Sindīy: Naglinaw ito na ang pag-aadya dahil sa pagiging iyon ay kabilang sa lipi niya gaya ng gawain ng mga tao ng Panahon ng Kamangmangan ay walang-saysay. Kaya walang punto sa pananawagan ng bawat isa sa lipi niya. Hinggil naman sa pag-aadya sa katotohanan, hinihiling na kinakailangan ito sa bawat mananampalataya, maging kabilang man sa lipi niya o hindi.
• Ang taglay ng mga mapagpaimbabaw na kabastusan ng dila at kapangahasan sa Propeta (basbasan siya ni Allāh at pangalagaan) at sa mga Kasamahan (malugod si Allāh sa kanila).
• Ang taglay ng Propeta (basbasan siya ni Allāh at pangalagaan) na katindihan ng pagtitimpi at pagtitiis sa nakakamit niya na pamemerhuwisyo ng mga mapagpaimbabaw.
• Ang pagbibigay-babala laban sa bawat gawaing may taglay na pagpapalayo ng loob ng mga tao sa pagpasok sa Islām. Dahil dito, nagpigil ang Propeta (basbasan siya ni Allāh at pangalagaan) sa pagpatay sa mga mapagpaimbabaw upang hindi magsabi ang mga tao na si Muḥammad ay pumapatay ng mga Kasamahan niya.

1. Ang Pangunahin
2. Ang mga Kainaman at ang mga Kaasalan
3. Ang Fiqh ng Etika
4. Ang Etikang Kapula-pula
5. Ang ḥadīth

• Ang sinuman ang lumikas sa kapatid niya sa loob ng isang taon,ito ay tulad ng pagpadanak sa dugo niya
• Tunay na si Allāh ay magdudulot ng pagdurusa sa mga nagdudulot ng pagdurusa sa mga tao sa Mundo."}
• May tatlong hindi sila kakausapin ni Allah sa Araw ng Pagkabuhay, hindi Niya sila dadalisayin, hindi Siya titingin sa kanila,
• At ayon kay Hamām bin Al-Hārith,buhat kay Meqdād-malugod si Allah sa kanya-Katotohanang ang isang lalaki ay pinupuri si 'Uthmān-malugod si Allah sa kanya-sinadya siya ni Meqdad,at umupo siya sa kanyang dalawang tuhod,at binabato niya sa muk...