ఈ హదీసులో ప్రవక్త సల్లల్లాహు అలైహి వసల్లం - శుక్రవారము నాటి సలాహ్ ఆచరించుట ఎవరెవరిపై విధి అగునో, యుక్త వయస్కుడైన అటువంటి ప్రతి ముస్లిం శుక్రవారము నాడు గుసుల్ చేయాలి, అది అతనిపై విధి – అని స్పష్టపరిచినారు. అలాగే ‘మిస్వాక్’ పుల్లను, లేదా అటువంటి ఇంకా ఏదైనా పుల్లను (బ్రష్’ను) ఉపయోగించి పళ్ళు శుభ్రపరుచుకొనుట కూడా విధి. అలాగే అందుబాటులో ఉంటే ఏదైనా పరిమళ ద్రవ్యాన్ని (ఉదా: ఏదైనా అత్తరును) పూసుకొనుట కూడా విధి.

• శుక్రవారము నాడు, యుక్తవయస్కుడైన ప్రతి ముస్లిం పురుషుడు గుసుల్ చేయుట అభిలషణీయము అని నిర్దారించబడినది.
• షరియత్’ను అనుసరించి ఒక ముస్లిం శుభ్రంగా ఉండాలి మరియు అసహ్యకరమైన వాసనలను తొలగించుకోవాలి.
• ఈ హదీసు లో శుక్రవారము యొక్క ప్రత్యేకత, ఘనత మరియు దాని కొరకు ఉత్తమంగా తయారు అవడాన్ని గురించి తెలియజేయబడినది.
• అలాగే శుక్రవారము నాడు ‘మిస్వాక్’ వినియోగించడం కూడా అభిలషణీయము.
• శుక్రవారపు సలాహ్ కొరకు బయలుదేరి వెళ్ళుటకు ముందు ఏదైనా మంచి సుగంధాన్ని (అత్తరును) పూసుకొనుట కూడా అభిలషణీయము.
• సలాహ్ ఆచరించుట కొరకు గానీ, లేక మరింకేదైనా అవసరం కొరకు స్త్రీ ఒకవేళ తన ఇంటినుండి బయలుదేరినట్లయితే ఆమె పరిమళద్రవ్యాన్ని (అత్తరును) వినియోగించరాదు. ప్రవక్త సల్లల్లాహు అలైహి వసల్లం సున్నతులో ఆధారాలు దీని యొక్క నిషేధాన్నే సూచిస్తున్నాయి.
• “ముహ్తలిమ్”: అంటే యవ్వనపు మరియు యుక్తవయస్సు సంకేతాలు కలిగిన వ్యక్తి. షరియత్ ప్రకారం ఆ సంకేతాలు నాలుగు. వాటిలో మూడు మగపిల్లలకు ఆడ పిల్లలకు సమానంగా వర్తిస్తాయి. మొదటి సంకేతం: పిల్లలు పదిహేను సంవత్సరాల వయస్సుకు చేరడం; రెండవ సంకేతం జననేంద్రియాల చుట్టూ (నాభి క్రింది భాగములో) వెంట్రుకలు మొలవడం; మూడవ సంకేతం నిద్రలో స్వప్నస్ఖలనము కావడం, లేదా నిద్రలో కాకపోయినా మెలుకువగా ఉన్న స్థితిలోనైనా కామము, వాంఛతో వీర్యమును బయటకు తీయడం. నాలుగవ సంకేతము – ఇది ఆడపిల్లలకు మాత్రమే ప్రత్యేకమైనది – ఇది ఋతుస్రావము (బహిష్ఠు); ఆడపిల్లలకు మొట్టమొదటి సారి బహిష్ఠు కలిగితే వారు యుక్తవయస్కులు అయినట్లే.

1. హోమ్
2. ఫిఖ్ మరియు దాని నియమాలు
3. ఆరాధనల ధర్మశాస్త్ర జ్ఞానం
4. నమాజు
5. జుమా నమాజ్
6. జుమా నమాజ్ ఆదేశాలు
7. హదీస్