नबी (सल्लल्लाहु अलैहि वसल्लम) ले स्पष्ट पार्नुभएको छ कि जसका लागि जुमाको नमाज अनिवार्य छ, त्यस्तो प्रत्येक वयस्क मुस्लिम पुरुषले शुक्रबारको दिन नुहाउनु पर्छ। त्यसैगरी दतिउन (वा ब्रश) आदि प्रयोग गरेर दाँत सफा गर्नुपर्छ र यदि उपलब्ध छ भने अत्तर (सुगन्ध) लगाउनु पर्छ।

• प्रत्येक वयस्क मुस्लिम पुरुषले शुक्रबारको दिन स्नान गर्नुपर्छ ।
• स्वच्छता र दुर्गन्ध हटाउने कुरा मुस्लिमका लागि शरिअतअनुसार आवश्यक छ।
• शुक्रबार (जुमाको दिन) को सम्मान गर्नु र त्यसको लागि तयारी गर्नु पर्छ।
• यसमा जुमाको नमाजको लागि दाँत माझ्न कार्य प्रति निश्चित रुपमा सिफारिस गरिएको छ ।
• जुमाको नमाजका लागि जानुअघि अत्तर लगाउनु पुण्यदायी (मुस्तहब) हो।
• यदि कुनै महिला नमाज वा अन्य कुनै कामको लागि घरबाट बाहिर निस्कन्छिन् भने, उनलाई अत्तर (सुगन्ध) लगाउन अनुमति छैन । किनभने यो निषेधित हो भन्ने कुरा सुन्नतबाट प्रमाणित छ ।
• यस हदीसमा “अल-मुहतलिम” शब्दले वयस्क व्यक्तिलाई जनाउँछ। यौवन (बलोगत) का केही निश्चित लक्षणहरू छन्, जसमा तीन लक्षण पुरुष र महिला दुवैमा समान रूपमा पाइन्छन्। पहिलो : १५ वर्षको उमेर पुग्नु, दोस्रो : गुप्ताङ्ग वरिपरि खस्रो रौँ आउनु, तेस्रो : वीर्य स्खलन हुनु, चाहे त्यो स्वप्नदोषमार्फत होस् वा यौन इच्छाका कारण, सपना बिना नै। जबकि , चौथो लक्षण महिलाका लागि विशेष हो, र त्यो हो महिनावारी सुरु हुनु। त्यसैले, जब महिलामा महिनावारी सुरु हुन्छ, उनी वयस्क (बलिग) ठहर्छिन्।

1. home
2. फिकह र उसूले फिकह
3. इबादत (उपासना) को न्यायशास्त्र
4. सलाह (नमाज)
5. जुमाको सलाह
6. जुमाको सलाहका प्रावधानहरू
7. hadith