တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) သည် သောကြာနေ့တွင် ရေချိုးခြင်းသည် ဂျုမုအဟ်ဆွလာသ်ဝတ်ပြုရန် တာဝန်ရှိသူ အရွယ်ရောက်ပြီးသော မွတ်စ်လင်မ် အမျိုးသားတိုင်းအပေါ် အလွန်အရေးကြီးသော တာဝန်တစ်ခုဖြစ်ကြောင်း ရှင်းလင်းစွာ ဖော်ပြထားသည်။ ထို့ပြင် သွားများကို တံပူနှင့် တံပူကဲ့သို့သောအရာများဖြင့် သွားတိုက်ရန်၊ မွှေးကြိုင်သောရနံ့ရှိသောအရာများဖြင့်အမွှေးအကြိုင်သုတ်လိမ်းရန် အမိန့်ပေးထားသည်။

• သောကြာနေ့တွင် ရေချိုးခြင်းသည် အရွယ်ရောက်ရွယ်ရောက်ပြီးသူ မွတ်စ်လင်မ်အမျိုးသားတိုင်းအပေါ် အလွန်အရေးပါသော မွတ်စ်သဟဗ်ဖြစ်သည်။
• သန့်ပြန့်မှုရှိခြင်း၊ အနံ့ဆိုးများ ပပျောက်သွားအောင်ပြုလုပ်ခြင်းတို့သည် မွတ်စ်လင်မ်တစ်ဦးအတွက် ရှရီအသ် တရားတော်က တောင်းဆိုထားသော အရာပင်ဖြစ်သည်။
• သောကြာနေ့ကို ဂုဏ်ပေးရန်၊ သောကြာနေ့အတွက်ကြိုတင်ပြင်ဆင်ရန် တိုက်တွန်းထားသည်။
• သောကြာနေ့တွင် တံပူစားခြင်းသည် အလွန်အရေးပါသော မွတ်စ်သဟဗ်ဖြစ်သည်။
• သောာကြာဆွလာသ်ဝတ်ပြုရန်မသွားမီအလျင် မည့်သည့်ရေမွှေးကိုမဆို သုံးဆွဲခြင်းသည် မွတ်စ်သဟဗ်ဖြစ်သည်။
• အမျိုးသမီးများသည် ဆွလာသ်ဝတ်ပြုရန် သို့မဟုတ် အခြားကိစ္စရပ်များအတွက် အိမ်မှထွက်ခွာသောအခါ မွှေးကြိုင်သောရနံ့ကို မသုံးစွဲရန် တားမြစ်ထားသည်။ ဤသို့ပြုခြင်းမှာ ဟရာမ်ဖြစ်ကြောင်း ဟဒီးဆ်တော်လာ အထောက်ထားများအရ သိရှိရသည်။
• အရွယ်ရောက်ခြင်းကို အမှတ်အသားအချို့ဖြင့်သိရှိနိုင်သည်။ ထိုအမှတ်အသားများအနက် သုံးခုသည် အမျိုးသား၊ အမျိုးသမီးနှစ်ဦးစလုံးနှင့် သက်ဆိုင်သည်။ ၎င်းတို့မှာ ၁။ အသက် (၁၅) နှစ် ပြည့်မြောက်ခြင်း၊ ၂။ လိင်အင်္ဂါပတ်လည်တွင် အမွေးအရင့်များ ပေါက်ခြင်း၊ ၃။ အိပ်မက်မက်ခြင်းကြောင့်ဖြစ်စေ၊ ရာဂစိတ်ကြောင့်ဖြစ်စေသုတ်လွှတ်ခြင်း။ စတုတ္ထအမှတ်အသားသည် အမျိုးသမီးများနှင့်သာ သက်ဆိုင်သည်။ ၎င်းမှာ ရာသီသွေးပေါ်ခြင်းဖြစ်သည်။ အမျိုးသမီးတစ်ဦးသည် ရာသီသွေးပေါ်ပါက သူမသည် အရွယ်ရောက်ပြီဟုသတ်မှတ်ရသည်။