ఉమర్ ఇబ్నుల్ ఖత్తాబ్ రదియల్లాహు అన్హు, మోమినుల నాయకుడు, కాబాగృహం ఒక మూలలో ఉన్న నల్ల రాయి (హజ్రె అస్వద్) దగ్గరికి వచ్చి, దానిని ముద్దుపెట్టుకుని, ఆ తర్వాత ఇలా అన్నారు: "నిజంగా, నువ్వు ఎలాంటి హాని చేయలేని, ఎలాంటి లాభం చేకూర్చలేని ఒక రాయివి మాత్రమే అనే విషయం నాకు ఖచ్చితంగా తెలుసు. ప్రవక్త సల్లల్లాహు అలైహి వసల్లం నిన్ను ముద్దుపెట్టుకోవడం నేను చూడకపోయి ఉంటే, నేనూ నిన్ను ముద్దాడే వాడిని కాను."

• తవాఫ్ (కాబాగృహ ప్రదక్షిణ) చేసేవారు నల్ల రాయి (హజ్రె అస్వద్) దగ్గరికి వచ్చినప్పుడు, ఒకవేళ సులభంగా సాధ్యమైతే, దానిని ముద్దుపెట్టడం అనుమతించబడింది (సున్నతు).
• నల్ల రాయిని (హజ్రె అస్వద్) ముద్దుపెట్టుకోవడం వెనుకనున్న ప్రధాన ఉద్దేశ్యం — రసూలుల్లాహ్ సల్లల్లాహు అలైహి వసల్లం స్వయంగా ఆచరించిన దానిని అనుసరించడం మాత్రమే అంటే ఒక సున్నతును పాటించడము.
• నవవి (రహిమహుల్లాహ్) ఇలా పలికినారు: దీని అర్థం — ఆ నల్లరాయికి లాభం చేకూర్చే శక్తీ లేదు, హాని కలిగించే శక్తీ లేదు; అది ఇతర సృష్టిరాశుల లాగానే అది కూడా ఒక సృష్టించబడిన రాయి, దాని ద్వారా లాభం లేదా హాని ఏదీ జరుగదు. ఉమర్ (రదియల్లాహు అన్హు) ఈ మాటలను హజ్ కాలంలో బహిరంగంగా పలికినారు, ఎందుకంటే వివిధ ప్రాంతాల నుంచి వచ్చిన ప్రజలు ఈ మాటలు వినాలని. తద్వారా ఈ విషయం వారందరికీ స్పష్టంగా తెలుస్తుంది.
• ఆరాధన కార్యాలు (ఇబాదతులు) తౌఖీఫియ్యహ్ (దివ్య గ్రంథాలలో పేర్కొన్న విధము) గా మాత్రమే ఉంటాయి. అందువలన, వాటిలో అల్లాహ్ మరియు ఆయన ప్రవక్త సల్లల్లాహు అలైహి వసల్లం ఆదేశించినవి తప్ప మరేదీ చెల్లదు.
• ఒక ఆరాధనా కార్యం ఖచ్చితమైన ఆధారాలతో స్థాపించబడితే, దాని పూర్వాపరాల గురించి మనకు తెలియకపోయినా దాన్ని ఆచరించాలి. ఎందుకంటే, ఆరాధన యొక్క వివేకవంతమైన ముఖ్య ఉద్దేశాల్లో ఒకటి — నిశ్చయంగా ప్రజలు అల్లాహ్‌ ఆరాధనలను విధేయతతో ఆచరించడమే.
• షరీఅతులో స్పష్టంగా అనుమతించబడిన వాటిని తప్ప, ఆరాధనలో భాగంగా రాళ్లు లేదా వేరే ఇతర వాటిని ముద్దుపెట్టడం నిషిద్ధం.

1. హోమ్
2. అఖీద
3. అనుచరులు
4. ప్రవక్త అనుచరుల ఘనత రజిఅల్లాహు అన్హుమ్
5. హదీస్

• నేను మీకు అల్లాహ్ పట్ల భయభక్తులను కలిగి ఉండమని, మరియు ఒక బానిస మీపై నాయకుడిగా నియమించబడినప్పటికీ, అతడి మాట వినమని మరియు విధేయత చూపమని ఉపదేశిస్తున్నాను. నిశ్చయంగా, నా తర్వాత మీలో ఎవరైతే జీవిస్తారో, వారు అనేక విభేదాలను చూస్తారు. కాబట్టి, నా స...
• అల్లాహ్ కు భయపడండి, మరియు ఒకవేళ మీపై ఒక హబషీయుడిని (బానిసను) అధికారిగా నియమించినా సరే ఆయనను అనుసరించండి. నా తరువాత మీలో జీవించి ఉన్న వారు తీవ్రమైన విబేధాలు చూస్తారు. కనుక నా సున్నత్’ను మరియు సన్మార్గగాములైన ఖలీఫాల (ఖులాఫా అర్రాషిదీన్ అల్ మ...
• నేను మీలో నుండి ఎవరినైనా నా ఆప్తమిత్రునిగా చేసుకున్నాను అనే విషయం నుండి నన్ను నేను అల్లాహ్ ముందు విముక్తుణ్ణి చేసుకుంటున్నాను. ఎందుకంటే ఏ విధంగానైతే అల్లాహ్ ఇబ్రాహీం అలైహిస్సలాం ను తన ఆప్తమిత్రునిగా (ఖలీల్ గా) తీసుకున్నాడో, నన్ను కూడా అల్లా...
• “బద్ర్ (యుధ్ధం) మరియు హుదైబియహ్ (ఒప్పందము) లలో ఎవరైతే పాల్గొన్నాడో అతడు ఎన్నడూ నరకాగ్ని లోనికి ప్రవేశించడు.”...