Omer ibn Hatabi, prijësi i besimtarëve (Allahu qoftë i kënaqur me të!), shkoi te Guri i Zi në këndin e Qabesë dhe e puthi atë. Pastaj, tha: “Unë e di mirë se je thjesht gur, nuk bën as dëm as dobi. Sikur të mos e kisha parë Profetin ﷺ duke të puthur, nuk do të të puthja as unë.”

• Lejohet puthja e Gurit të Zi për ata që kryejnë tavaf, kur kalojnë pranë tij, nëse kjo mund të lehtësohet.
• Qëllimi i puthjes së Gurit të Zi është pasimi i të Dërguarit të Allahut ﷺ.
• Neveviu ka thënë: "Kuptimi është se ai nuk ka fuqi të sjellë dobi apo dëm. Është një gur i krijuar si krijesat e tjera, që as nuk dëmton e as nuk sjell dobi. Omeri e kumtoi këtë gjatë sezonit të Haxhit, që njerëzit nga vende të ndryshme ta dëgjonin dhe ta ruanin prej tij."
• Adhurimet janë teukifije (të përcaktuara nga Kurani dhe Suneti), prandaj asgjë prej tyre nuk është e ligjshme, përveç asaj që e ka ligjësuar Allahu dhe i Dërguari i Tij.
• Nëse një adhurim është vërtetuar në mënyrë autentike, ai duhet praktikuar edhe nëse urtësia e tij nuk dihet, sepse një nga qëllimet e tij është nënshtrimi dhe bindja e njerëzve në zbatimin e tij.
• Ndalohet puthja e gurëve apo e objekteve të tjera si akt adhurimi, përveç nëse kjo është e përcaktuar në sheriat (fe).

1. Ballina
2. Akideja
3. Sahabët
4. Vlera e sahabëve (Allahu qoftë i kënaqur me ta)
5. Hadithi

• Ju porosis të keni frikë Allahun dhe të jeni të dëgjueshëm e të bindur, edhe nëse ju bëhet prijës ndonjë rob, sepse ai që do të jetojë pas meje prej jush, do të shohë kundërshti të shumta, andaj kapuni fort pas traditës sime dhe traditës së...
• se Profeti (paqja qoftë mbi të!) në lidhje me ensarët ka thënë: “Ata i do vetëm besimtari dhe i urren vetëm hipokriti. Atë që i do ata, e do Allahu dhe atë që i urren ata, e urren Allahu.”
• “Më të mirët nga ju janë gjenerata ime, pastaj pasardhësit e tyre, pastaj pasardhësit e tyre.”
• “Do t'ia japë këtë flamur një burri që e do Allahun dhe të Dërguarin e Tij, në duart e të cilit Allahu do ta mundësojë çlirimin (e Hajberit).”