ఈ హదీసులో ప్రవక్త సల్లల్లాహు అలైహి వసల్లం తన మరణానంతరం తన జాతిలోని (ఉమ్మత్ లోని) కొంతమంది పరిస్థితి ఎలా ఉంటుందో చెబుతున్నారు. వీరు యూదులు మరియు క్రైస్తవుల విశ్వాసాలు, ఆచారాలు, ఆచరణలు, మరియు సంప్రదాయాలలో వారి మార్గాన్ని, అంగుళం అంగుళం, మూరలు మూరలుగా అనుసరిస్తారు; ఎంతగా అంటే వారు (యూదులు, క్రైస్తవులు) ఒకవేళ ఏదైనా ఉడుం రంధ్రములోనికి దూరితే, వీరు కూడా వాళ్ళ వెనుక అందులోనికి దూరతారు.

• ఇది ప్రవక్త సల్లల్లాహు అలైహి వసల్లం చేసిన భవిష్యవాణి; ఆయన సల్లల్లాహు అలైహి వసల్లం ప్రవక్తత్వానికి నిదర్శనం. ‘ఇలా జరుగుతుంది’ అని ఆయన తన జీవితకాలములోనే తెలియజేసారు. ప్రస్తుతం ఆయన చెప్పినట్లుగానే జరుగుతూ ఉండడం చూస్తున్నాం మనం.
• విశ్వాసులు, అవిశ్వాసులను వారి విశ్వాసాలలో గానీ, లేక వారి ఆరాధనా విధానాలలో గానీ, వారి పండుగలు పర్వదినాలలో గానీ, లేక వారికి మాత్రమే ప్రత్యేకమైన వారి వస్త్రాలు, వస్త్రధారణ విధానాలలో గానీ వారిని అనుసరించుట నిషేధము.
• అధ్యాత్మిక విషయాలను స్పష్టమైన ఉదాహరణలతో వివరించడం ఇస్లాంలోని బోధనా విధానాలలో ఒకటి.
• "అల్-దబ్": ఇది ఒక జంతువు, దీని బొరియ చాలా చీకటిగా మరియు దుర్వాసనతో ఉంటుంది. ఇది ఎడారులలో అధికంగా ఉండే సరీసృపాలలో ఒకటి. ఈ హదీథులో ‘అల్-దబ్’ యొక్క బొరియను పేర్కొనడానికి కారణం అది చాలా చాలా ఇరుకుగా ఉంటుంది మరియు దుర్వాసనతో కూడి పేలవమైన, అసహ్యమైన స్థితిలో ఉంటుంది. కొంతమంది ముస్లింలు, యూదులు మరియు క్రైస్తవుల జాడలు మరియు మార్గాలను గుడ్డిగా అనుసరిస్తారు కాబట్టి, వారు ఇంత ఇరుకైన మరియు అసహ్యకరమైన స్థితిలో ఉన్నప్పటికీ, ఈ ముస్లింలు వారితో ఏకీభవిస్తారు మరియు వారిని అనుసరిస్తారు. అల్లాహ్ యొక్క సహాయమే రక్షణకు మూలం.

1. హోమ్
2. అఖీద
3. స్నేహము మరియు శతృత్వము (అల్లాహ్,ప్రవక్త కొరకు స్నేహం చేయటం మరియు శతృత్వం చేయటం)
4. నిషేధించబడిన అనురూప్యము (పోలిక)
5. హదీస్

• ప్రవక్త సల్లల్లాహు అలైహి వసల్లం పురుషుడు స్త్రీ వస్త్రాలు ధరించడాన్ని, స్త్రీ పురుషుని వస్త్రాలు ధరించడాన్ని శపించారు...
• ఎవరైనా ఏదైనా జాతి వారిని అనుకరించినట్లయితే వారు అందులోని వారే అయిపోతారు