Profeti ﷺ në këtë hadith ka paralajmëruar se kush i thotë një personi tjetër: "Ti je mëkatar (ar. fasik)." Ose: "Ti je jobesimtar." Nëse ky person nuk është ashtu siç tha ai, atëherë ky përshkrim i kthehet atij që e tha. Mirëpo, nëse ai person është ashtu siç u tha, atëherë nuk ka gjynah mbi atë që e tha, sepse ka folur të vërtetën.

• Është e ndaluar ta etiketosh një musliman për mosbesim apo mëkat pa arsye të lejuar nga feja.
• Verifikimi është i detyrueshëm para se të jepen gjykime për njerëzit (muslimanët).
• Ibën Dekik Idi thënë: “Ky është një kërcënim i rëndë për atë që e akuzon padrejtësisht një musliman për mosbesim (duke e bërë tekfir), gjë që është një rrezik i madh.”
• Ibën Haxher Askalaniu ka thënë: “Fakti që ai nuk bëhet automatikisht mëkatar apo jobesimtar (kur ta etiketojë padrejtësisht), nuk do të thotë se nuk është mëkatar, kur i thotë tjetrit: "Ti je mëkatar"; përkundrazi, kjo çështje kërkon sqarim të hollësishëm. Nëse ai e ka për qëllim këshillimin e tij apo të të tjerëve duke sqaruar gjendjen e tij, atëherë kjo është e lejuar. Por nëse e ka për qëllim fyerjen, turpërimin dhe ofendimin e tij, atëherë kjo është e ndaluar, sepse ai është i urdhëruar t'i fshehë mangësitë e tij dhe ta mësojë e ta këshillojë në mënyrën më të bukur. Prandaj, kurdo që mund ta realizojë këtë në mënyrë të butë, nuk i lejohet ta bëjë në mënyrë të ashpër, sepse mund të bëhet shkak që ai të sprovohet dhe të këmbëngulë në atë vepër, sepse shumë njerëz natyrshëm veprojnë kështu me ata që janë të ashpër. E sidomos e refuzojnë urdhrin kur ai vjen nga dikush që është më poshtë se ata në pozitë.”

1. Ballina
2. Akideja
3. Emrat dhe normat
4. Kufri
5. Hadithi

1. Ballina
2. Akideja
3. Emrat dhe normat
4. Fisku - mosbindja
5. Hadithi

• “Ai që ngre armët kundër nesh nuk është prej nesh.”
• Vërtet ndërmjet njeriut dhe shirkut e kufrit qëndron lënia e namazit
• Ai, asnjëherë të vetme nuk ka thënë: "O Zoti im, m'i fal gjynahet e mia Ditën e Llogarisë!”
• Besëlidhja ndërmjet nesh dhe atyre është namazi. Andaj, ai që e lë namazin, ka rënë në kufër (mosbesim)