Nabigu scw wuxuu sheegay: In qofka buuxiyey xiriirinta qaraabada oo wanaajiyaa aanu ahayn qofka ixsaanka ku guda ixsaan kaliya. Balse kan dhab ahaan u xiriiriya ee si buuxda qaraabada u xiriiriya waa kan hadii qaraabadu goyso xiriiriya, hadii ay xumeeyaana u ixsaan fala.

• Xiriirinta qaraabada ee sharci ahaan loo ictibaariyaa waa inaad xiriiriso qofka ku gooya, oo aad cafido kan ku dulma, oo aad siiso kan kuu diida, ee ma aha xiriirku mid ku salaysan wax is dhaafsi iyo is abaal marin.
• Xiriirinta qaraabadu waa inaad gaarsiiso intii aad awoodo oo khayra, sida maalka, ducada, farida wanaaga, xumo ka reebida iyo wixii kale ee la mida, iyo ka difaacida wixii shar ah.