නබි (සල්ලල්ලාහු අලයිහි වසල්ලම්) තුමාණෝ මෙසේ ප්‍රකාශ කර සිටියහ: (සලාතය සඳහා වන) ඇරයුමෙහි හා පළමු පේළියේ පවතින දෑ මහිමය, ශ්‍රේෂ්ඨත්වය හා සමෘද්ධිය මිනිසුන් දැනගෙන සිටියා නම්, පසුව ඒ සඳහා ප්‍රමුඛත්වය ගැනීමට හා පෙරට වීමට සුදුසුකම් ඇති උදවිය තෝරා ගැනීමේ දී කුසපත් ඇදීම මිස වෙනත් ක්‍රමයක් නොවී නම්, ඒ සඳහා ඔවුන් කුසපත් අදිනු ඇත. සලාතය සඳහා එය ආරම්භ වේලාවේ වේලාසනින් යෑමේ පවතින මහිමය ඔවුන් දැනගෙන සිටියා නම්, ඒ සඳහා ඔවුන් තරඟ වදිනු ඇත. රාත්‍රී ඉෂා සලාතයට හා උදෑසන සුබ්හු සලාතයට පැමිණීමෙහි ඇති කුසල්හි ප්‍රමාණය ඔවුන් දැනගෙන සිටියා නම්, ඒ දෙක වෙත ළදරුවකු දණ ගසා පැමිණෙන්නාක් මෙන් බඩගාමින් හෝ ඔවුන් පැමිණෙනු ඇත.

• අදාන් හෙවත් සලාතය සඳහා කෙරෙන ඇරයුමේ මහිමය පැහැදිලි කිරීම.
• පළමු පේළියේ හා ඉමාම්ට ඉතා කිට්ටුවෙන් සිටීමේ මහිමය පැහැදිලි කිරීම.
• සලාතය සඳහා සතුටුදායක ආරම්භක වේලාවේ වේලාසනින් යෑමේ මහිමය පැහැදිලි කිරීම. එය එහි ඇති අතිමහත් භාග්‍යයන් හා එහි පෙළ ගැසුණු විවිධ ප්‍රයෝජන හේතුවෙනි. ඒ අතරින්, පළමු පේළිය ලබා ගැනීම, සලාතය ආරම්භක අවස්ථාව හිමි කර ගැනීම, අමතර දෑ ඉටු කිරීමට හැකිවීම, කුර්ආනය කියවීමට හැකි වීම, මලක්වරුන් ඔහු වෙනුවෙන් ඉල්ලා සිටින පාපක්ෂමාව ලබන්නට අවස්ථාව උදා කර ගැනීම. ඔහු සලාතය බලාපොරොත්තුවෙන් සිටින තාක්කල් ඔහු සලාතය තුළම සිටීමේ භාග්‍යය ලැබීම හා වෙනත් භාග්‍යයන් ඇත.
• මෙම සලාත් දෙකට සහභාගි වී සාමුහිකව ඉටු කිරීම සඳහා ඉමහත් සේ දිරි ගැන්වීම. එහි අධික ලෙස මහිමයන් ඇත. ඊට හේතු වනුයේ නිදාගැනීමේ ආරම්භය හා එහි අවසානයේ එයට බාධා කිරීමෙන් තමන් දරන දුෂ්කරතාවය. කුහකයින් හට බරැති සලාතය ඒ දෙක යැයි සඳහන්ව ඇත්තේ ද එබැවිනි.
• නවවි තුමා මෙසේ පවසයි: "මෙහි තරඟකාරයක් ඇති වගකීම් සම්බන්ධව කුසපත් ඇදීමේ අනුමැතිය සහතික කිරීමක් ඇත."
• දෙවන පේළිය තුන්වන පේළියට වඩා උතුම් ය. තුන්වන පේළිය හතරවන පේළියට වඩා උතුම්ය. එසේ එය දිගටම අනුගමනය කෙරේ.

1. මුල් පිටුව
2. මහිමයන් සහ ආචාරධර්ම
3. මහිමයන්
4. නබි වදන

1. මුල් පිටුව
2. ආගමික නීති හා එහි මූලධර්ම
3. වත්පිළිවෙත් පිළිබඳ ආගමික නීති
4. සලාතය
5. සලාතයේ වෛකල්පිත කරුණූ
6. නබි වදන

• “සලාතය ඉටු කරන්නා ඉදිරියේ හරහට ගමන් කරන්නා තමන් ට අත්වන පාපය කුමක් දැ?යි දැන ගන්නේ නම් එසේ ඉදිරියේ හරහ ට ගමන් කරනවා ට වඩා රැඳී සිටිම ඔහුට හතළිස් වාරයක් යහපත් වනු ඇත.“...
• නබි (සල්ලල්ලාහු අලයිහි වසල්ලම්) තුමාණෝ එතුමාගේ පාවහන් යුවල පැළඳ සලාත් ඉටු කරන්නෙකු ලෙස සිටියෙහු ද? යැයි මම අනස් ඉබ්නු මාලික් තුමාගෙන් විමසුවෙමි. එතුමා: එසේය යැයි පිළිතුරු දුන්නේය....
• අල්ලාහ්ගේ දූතයාණන් (සල්ලල්ලාහු අලයිහි වසල්ලම්) තම කම්මුලේ සුදු පැහැය පෙනෙන තෙක් තම දකුණු පසට සහ වම් පසට හැරී සලාම් දෙන ආකාරය මම දැක ඇත්තෙමි...
• “මිනිසුන්ගෙන් තමන් ආවරණය කරන යම් වස්තුවක් ඉදිරියේ ඔබ අතුරින් කෙනෙකු සලාතය ඉටු කරන විටක, ඒ අතරින් කෙනෙකු හරහට යෑමට සිතුවේ නම් ඔහු ව වැළැක්විය යුතුය. එයට ඔහු පිටුපෑවේ නම් ඔහු සමග සටන් වැදිය යුතුය. සැබැවින්ම ඔහු ෂෙයිතානුවෙකි.”...