අනිවාර්යය සලාත් හෝ අතිරේක සලාත් ඉටු කරන්නෙකු ඉදිරිපිටින් ගමන් කිරීම නබි (සල්ලල්ලාහු අලයිහි වසල්ලම්) තුමාණෝ දැඩි සේ අවවාද කර ඇත්තාහ. උවමනාවෙන්ම එසේ සිදු කරන පුද්ගලයා තමාට අත්වන පාපයේ තරම දැන සිටියේ නම්, ඔහු (දින, මාස, අවුරුදු) හතළිහක් සිටගෙන සිටීම ඔහුට උතුම් වනු ඇත. එය ඔහු ඉදිරියෙන් ගමන් කිරීමට වඩා එය ඔහුට ශ්‍රේෂ්ටය. මෙම හදීසය වාර්තා කරන අබූ අන්-නළ්ර් තුමා මෙසේ පවසයි: 'දින හතළිහක් ද මාස හතළිහක් ද එසේ නැතහොත් වසර හතළිහක් ද යන්න ගැන මම නොදනිමි.'

• සලාතය ඉටු කරන්නා ඉදිරියේ බාධක පුවරුවක් නොමැති විටෙක, ඔහු ඉදිරියෙන් ගමන් කිරීම හෝ එසේ බාධක පුවරුවක් තිබුණු විටෙක, ඔහු හා ඒ අතර ගමන් කිරීම තහනම් කිරීම.
• ඉබ්නු හජර් තුමා මෙසේ පවසයි: 'එහි සීමාව ගැන විවිධ මත ඇත. ඔහු ඉදිරියෙන් ගමන් කරන විටෙක, ඔහු හා ඔහු සුජූද් කරන ස්ථානය අතර පවතින ප්‍රමාණයක් තිබිය යුතු යැයි සඳහන් වී ඇත. එමෙන්ම ඔහු අතර හා එය අතර රියන් තුනක ප්‍රමාණයක් තිබිය යුතු බව තවත් සඳහනක ඇති අතර, ඔහු අතර හා එය අතර ගලක් විසි කරන ප්‍රමාණයක් තිබිය යුතු බව ද සඳහන් වී ඇත.'
• අස්-සුයූති තුමා මෙසේ පවසයි: 'ගමන් කිරීමෙන් අදහස් කරනුයේ ඔහු අතර හරහට ගමන් කිරීම ය. ඔහු ඉදිරියෙන් කිබ්ලා දෙසට ගමන් කරන විට එය මෙම අවවාදය තුළට ඇතුළත් වන්නේ නැත.
• පළමුව සලාත් ඉටු කරන්නා මිනිසුන් යන එන මාර්ගවල හෝ ගමන් කිරීමට අවශ්‍ය ස්ථානවල සලාත් ඉටු නොකළ යුතුය. මක්නිසාදයත් ඉන් සලාතයේ අඩුපාඩු සිදුවීමට ඉඩ ඇති බැවින් හා ගමන් කරන්නා පාපයට වැටෙන බැවිනි. එබැවින් ඔහු අතර හා ගමන් කරන්නා අතර බාධක වස්තුවක් තබා ගත යුතුය.
• මෙයින් නිගමනය කළ හැක්කේ මරණින් මතු ජීවිතයේ අකීකරුකම නිසා ඇතිවන පාපය, එය කුඩා වුවත්, කොතරම් දරුණු වුවත් මේ ලෝකයේ ඕනෑම දුෂ්කරතාවයකට වඩා එය විශාල බවයි.

1. මුල් පිටුව
2. ආගමික නීති හා එහි මූලධර්ම
3. වත්පිළිවෙත් පිළිබඳ ආගමික නීති
4. සලාතය
5. සලාතයේ වෛකල්පිත කරුණූ
6. නබි වදන

• “මිනිසුන්ගෙන් තමන් ආවරණය කරන යම් වස්තුවක් ඉදිරියේ ඔබ අතුරින් කෙනෙකු සලාතය ඉටු කරන විටක, ඒ අතරින් කෙනෙකු හරහට යෑමට සිතුවේ නම් ඔහු ව වැළැක්විය යුතුය. එයට ඔහු පිටුපෑවේ නම් ඔහු සමග සටන් වැදිය යුතුය. සැබැවින්ම ඔහු ෂෙයිතානුවෙකි.”...
• නබි (සල්ලල්ලාහු අලයිහි වසල්ලම්) තුමාණෝ එතුමාගේ පාවහන් යුවල පැළඳ සලාත් ඉටු කරන්නෙකු ලෙස සිටියෙහු ද? යැයි මම අනස් ඉබ්නු මාලික් තුමාගෙන් විමසුවෙමි. එතුමා: එසේය යැයි පිළිතුරු දුන්නේය....
• අල්ලාහ්ගේ දූතයාණන් (සල්ලල්ලාහු අලයිහි වසල්ලම්) තම කම්මුලේ සුදු පැහැය පෙනෙන තෙක් තම දකුණු පසට සහ වම් පසට හැරී සලාම් දෙන ආකාරය මම දැක ඇත්තෙමි...
• “සලාතය ඉටු කරන්නා ඉදිරියේ හරහට ගමන් කරන්නා තමන් ට අත්වන පාපය කුමක් දැ?යි දැන ගන්නේ නම් එසේ ඉදිරියේ හරහ ට ගමන් කරනවා ට වඩා රැඳී සිටිම ඔහුට හතළිස් වාරයක් යහපත් වනු ඇත.“...