Profeti ﷺ në këtë hadith tregoi se sikur njerëzit ta dinin vlerën, mirësinë dhe bekimin që gjendet në ezan (thirrjen për namaz) dhe në rreshtin e parë, e sikur të mos kishin asnjë mënyrë tjetër për t'i dhënë përparësi dikujt përveçse përmes hedhjes së shortit për të përcaktuar se kush i meriton më shumë, ata do ta bënin këtë. Sikur ta dinin shpërblimin e nxitimit për në namaz në kohën e tij më të hershme, do të garonin për të. Dhe sikur ta dinin shpërblimin e ardhjes në namazin e Jacisë dhe të Sabahut, do ta kishin të lehtë të shkonin edhe sikur t'u duhej të ecnin këmbadoras, ashtu siç nis të ecë fëmija.

• Vënia në dukje e vlerës së ezanit.
• Vënia në dukje e vlerës së rreshtit të parë dhe të qenët pranë imamit.
• Vlera e nxitimit për në namaz, në kohën e tij të parë e të pëlqyer, për shkak të vlerës së tij të madhe dhe dobisë së shumtë. Këto përfshijnë: arritjen e rreshtit të parë, kapjen e namazit që nga fillimi i tij, faljen e namazit nafile, leximin e Kuranit, kërkimin e faljes për të nga ana e melekëve, si dhe faktin që personi konsiderohet sikur është në namaz gjatë kohës që pret namazin, si dhe shpërblimeve të tjera.
• Nxitja e fortë për pjesëmarrje në namazin me xhemat të këtyre dy namazeve dhe shpërblimi i madh që lidhet me këtë, për shkak të vështirësisë që ato i shkaktojnë shpirtit, duke ndërprerë si fillimin, ashtu edhe fundin e gjumit. Për këtë arsye, ato janë namazet më të rënda për hipokritët.
• Neveviu ka thënë: "Kjo vërteton vlefshmërinë e hedhjes së shortit për të drejtat që kontestohen ose kur ka konkurrencë për to."
• Rreshti i dytë është më i mirë se i treti, i treti është më i mirë se i katërti, e kështu me radhë.

1. Ballina
2. Vlera dhe rregullat
3. Vlera
4. Hadithi