ام المومنین عایشې رضي الله عنها رسول الله ﷺ ته وویل: «د صفیه لپاره دې همدومره بس دی» – چې مطلب یې د هغې د بدن یوه کوچنۍ نیمګړتیا، لنډوالی و، رسول الله ﷺ وفرمایل: «تا داسې خبره وکړه چې که د بحر له اوبو سره ګډه شوې وای، نو پرې به غالبه شوې وه، هغه به یې بدلې او خرابې کړې وای» هغې وویل: د فلاني په شان کار دې وکړو- تر څو یې نېمګړتیا په ګوته کړم-، نو رسول الله ﷺ وفرمایل: «زه نه خوښوم چې د چا نیمګړتیا بیان کړم، یا د هغه په څېر عمل وکړم، یا داسې خبره وکړم چې یې د کمزورۍ ښودلو سبب شي، حتی که په دې کار دنړۍ ډېره شتمنۍ هم راکړل شوې وای».

• له غیبت څخه خبرداری او ترې وېرول.
• د خلکو پېښې کول او د سپکاوي او نېمګړتیا بیانولو په موخه یې خلکو ته کېسې کول له حرام غیبت څخه دي.
• د بدن نیمګړتیاوې بیانول د غیبت یوه برخه ګڼل کېږي.
• قاضي وایي: «المزج» د ګډولو او بل څه سره د یو ځای کولو معنا لري، مطلب دا دی چې که دغه غیبت د بحر په اوبو کې ګډ شوی وای، نو د هغې له ډېرښت او پراخوالي سره به یې هم د هغه حالت ته بدلون ورکړی و؛ نو د لږو اعمالو به څه حال وي چې ورسره ګډ شي.
• دا د ښځو تر منځ د حسد او ځینې بېړنیو احساساتو څرګندونه ده چې کله د ښځو تر منځ رامنځته کېږي.
• رسول الله ﷺ د ناوړه کارونو تأیید یا تصدیق نه کوي.
• دنیا او هغه څه چې پکې دي بې ارزښت او کم ګڼل، کله چې د الله د رضا سره پرتله شي، نه د هغه له قهر سره.
• اسلام د ښه اخلاقو دین دی، او امر شوی چې د نورو عزت او آبرو لدې وساتل شې چې په وینا او یا کړنو وښکنځل شي، ځکه پدې سره د مسلمانانو ترمنځ کینه او دښمني پېدا کېږي.

1. کور‌پاڼه
2. فضایل او آداب
3. د أخلاقو فقه
4. ناوړه أخلاق
5. حدیث

• د انسان د اسلام ښکلا پدې کې ده چې هغه څه پرېږدي چې د ده پورې اړه نه لري
• د الله تعالی په وړاندې تر ټولو مبغوض انسان هغه دی چې تل سخت جګړه مار وي
• له اوو بربادوونکو ګناهونو څخه ځان وساتئ
• آیا پوهېږئ چې مفلس څوک دی؟