رسول الله صلی الله علیه وسلم فرمایي چې د عربو په جزیره کې شیطان له دې نا امیده شوی چې لمونځ کوونکي مؤمنان یې بیا عبادت وکړي او بت ته سجده وکړي، خو لا تر دې دمه تمه لري، کوښښ کوي، زیار باسي، کار او هڅه کوي چې تر منځه یې جنګونو، شخړو، فتنو او داسې نورو ته لمن ووهي.

• د شیطان عبادت د بت عبادت دی، ځکه چې شیطان پرې امر کوونکی او ورته بلنه ورکوونکی دی، دلیل یې د ابراهیم علیه السلام په اړه د الله تعالی دا وینا ده: (يا أبت لا تعبد الشيطان…). اې پلاره! د شیطان عبادت مه کوه.
• شیطان هڅه کوي چې د مسلمانانو تر منځ شخړو، دښمنیو، جنګونو او فتنو ته لمن ووهي.
• په اسلام کې د لمانځه ګټه دا ده چې د مسلمانانو تر منځه مینه او محبت ساتي او د ورورګلوۍ اړیکي یې پياوړې کوي.
• له شهادتینو نه وروسته لمونځ د دین تر ټولو لوی عبادت دی، له همدې امله مسلمانانو ته لمونځ کوونکي ویل کېږي.
• عربي ټاپووزمه د نورو هیوادونو په پرتله ځانګړتیاوې لري.
• که وویل شي چې د عربو د جزیرې په ځینو برخو کې بت پرستي شوې ده، حال دا چې رسول الله صلی الله علیه وسلم فرمایلي: (إن الشيطان قد أيس أن يعبده المصلون..) (شیطان له دې نا امیده شوی چې لمونځ کوونکي یې عبادت وکړي...) نو دا د شیطان په زړه کې د هغې نا امیدۍ په اړه څرګندونه ده چې د هغه په زړه کې له فتحو او بریاوو وروسته پيدا شوې او هغه مهال کله چې خلک ډلې ډلې په اسلام کې داخل شول، نو حدیث د شیطان د ګمان او توقع په اړه دی، چې حقیقت د دې پر خلاف و، د هغه حکمت له امله چې الله تعالی یې غواړي.

1. کور‌پاڼه
2. فضایل او آداب
3. د أخلاقو فقه
4. ناوړه أخلاق
5. حدیث

• بېشکه الله - جل جلاله - ظالم ته مهلت ورکوي، تر دې چې کله یې راونیسي بیا یې نه پریږدي
• ‌آیا زه تاسو ته د تر ټولو لویو ګناهونو څخه خبر درنکړم
• د الله تعالی په وړاندې تر ټولو مبغوض انسان هغه دی چې تل سخت جګړه مار وي
• مسلمان ته کنځل کول فسق دی، او له هغه سره جنګ کول کفر دی