မုအ်မင်န်တို့၏မိခင်ကြီး အာအိရှဟ် (ရဿွိယလ္လာဟုအန်ဟာ) က တမန်တော်မြတ် (ဆွလ္လလာဟုအလိုင်ဟိဝစလ္လမ်) အား လျှောက်ထား‌ ပြောဆိုခဲ့သည်မှာ ကိုယ်တော့်အတွက် စွဖီယဟ်သည်(မုအ်မင်န်တို့၏မိခင်ကြီး စွဖိယဟ်သခင်မကို ဆိုလိုခြင်းဖြစ် သည်) သူမ၏ ခန္ဓာကိုယ်ပိုင်းဆိုင်ရာ အပြစ်အနာဆာတစ်ခုဖြစ်သည့် အရပ်ပုရုံဖြင့် လုံလောက်ပါသည်။ ထိုအခါ တမန်တော်မြတ် (ဆွလ္လလာဟုအလိုင်ဟိဝစလ္လမ်)က မိန့်ကြားတော်မူသည်- “အသင်မသည် ထိုသို့သောစကားကို ပြောဆိုလိုက်ပြီ၊ အကယ်၍ ထိုစကားကို ပင်လယ်ရေထဲတွင် ရောစပ်လိုက်လျှင် ၎င်းသည် မုချ ထိုရေကိုလွှမ်းမိုးသွားပြီး ၎င်း၏အရသာကိုပြောင်းလဲစေ၍ ဖျက်ဆီးပစ်လိုက်လိမ့်မည်။ သခင်မက လျှောက်ထားသည်မှာ- "ကျွန်မသည် လူတစ်ဦးကို နိမ့်ချစေလိုသည့်အနေဖြင့် သူ၏ အမူအရာကို အတုခိုးပြုလုပ်မိပါသည်"။ ထိုအခါ တမန်တော်မြတ် (ဆွလ္လလာဟုအလိုင်ဟိဝစလ္လမ်)က မိန့်တော်မူသည်- "အကယ်၍ ငါကိုယ်တော်အား လောကကြီးတစ်ခုလုံးကို ပေးအပ်ခဲ့သော်လည်း သူ၏အပြစ်အနာအဆာကို ပြောဆိုရန်၊ သို့မဟုတ် အထင်သေးကြောင်းပြသည့် အနေဖြင့် သူ၏အမူအရာကို အတုခိုး၍ ပြုမူရန်၊ သို့မဟုတ် သူ၏စကားကို ပြောဆိုရန် ငါကိုယ်တော် နှစ်သက်တော်မူမည် မဟုတ်ပါ။"

• ၁။ ဂီဗသ်အတင်းပြောဆိုခြင်းမှ ခြိမ်းခြောက်၊သတိပေးထားခြင်း။
• ၂။ လူတို့၏ ရုပ်သွင်ပုံစံများကို အတုယူခြင်းနှင့် ၎င်းတို့ကို အရှက်ခွဲရန်၊ နှိမ့်ချရန်အတွက် အတုယူပြောဆိုခြင်းသည်လည်း ဟရာမ်ဖြစ်သော ဂီဗသ်အတင်းပြောဆိုခြင်းအမျိုးအစားတွင် ပါဝင်သည်။
• ၃။ ရုပ်ပိုင်းဆိုင်ရာ ချို့ယွင်းချက်များကို ဖော်ပြခြင်းသည်လည်း ဂီဗသ်အတင်းပြောဆိုခြင်း၏ အစိတ်အပိုင်း ဖြစ်သည်။
• ၄။ ကာဿွီအေယာဿ်ွက မိန့်ဆိုသည်- "ရောနှောခြင်း" ဆိုသည်မှာ အခြားအရာတစ်ခုကို ၎င်းနှင့် ရောစပ်ခြင်းဖြင့် ပြောင်းလဲသွားစေခြင်း ဖြစ်သည်။ ဆိုလိုသည်မှာ ဤဂီဗသ်အတင်း‌စကားသည် ပင်လယ်နှင့် ရောစပ်လျှင် ပင်လယ်၏ အခြေအနေကို ၎င်း၏ ကြီးမားခြင်းနှင့် ပြည့်လျှံခြင်းကြားမှပင် ပြောင်းလဲပစ်နိုင်မည်ဆိုလျှင်၊ ယင်းနှင့် ရောစပ်ထားသော အနည်းငယ်မျှသော ကောင်းမှုကုသိုလ်များ၏ အခြေအနေမှာ မည်သို့ရှိမည်နည်း။
• ၅။ ဇနီးမယားတို့ကြား ဖြစ်တတ်သော ဝန်တိုငြူစူမှုအချို့ကို ဖော်ပြထားခြင်း။
• ၆။ တမန်တော်မြတ် (ဆွလ္လလာဟုအလိုင်ဟိဝစလ္လမ်)သည် မကောင်းမှုကို လက်မခံခြင်း။
• ၇။ အလ္လာဟ်အရှင်မြတ်၏ နှစ်သက်တော်မူခြင်းနှင့် အမျက်တော်မရှိခြင်းတို့နှင့် နှိုင်းယှဉ်လျှင် ဤကမ္ဘာလောကနှင့် ၎င်းတွင်ရှိသောအရာတို့၏တန်ဖိုးမှာ မပြောပလောက်ကြောင်း ဖော်ပြထားခြင်း။
• ၈။ အစ္စလာမ်သာသနာသည် ကိုယ်ကျင့်တရားကောင်းမွန်မှုကို အလေးပေးသော သာသနာဖြစ်ပြီး၊ စကားဖြင့်ဖြစ်စေ၊ အပြုအမူဖြင့်ဖြစ်စေ ဂုဏ်သိက္ခာများကို ချိုးဖောက်ခြင်းမှ ကာကွယ်ရန် အမိန့်ပေးထားသည်။ အကြောင်းမှာ ယင်းသည် မွတ်စ်လင်မ်များအကြား ရန်ငြိုးနှင့် မုန်းတီးခြင်းကို ဖြစ်ပေါ်စေသောကြောင့်ဖြစ်သည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ကိုယ်ကျင့်တရားဆိုင်ရာ ဖိကဟ်။
4. မကောင်းသည့် ကိုယ်ကျင့်တရား။
5. ဟဒီးဆ်

• လူတစ်ဦးရှိ အစ္စလာမ်သာသနာတော်၏ လှပတင့်တယ်ခြင်းများအနက် တစ်ခုမှာ အချည်းနှီး၊အကျိုးမဲ့ကိစ္စများကို စွန့်လွှတ်ခြင်းဖြစ်သည်။...
• ဧကန်စင်စစ်၊ အလ္လာဟ်အရှင်မြတ်သည် ဤလောကီဘဝတွင် လူတို့အား ညှဉ်းပန်းနှိပ်စက်သူများကို (နောင်တမလွန်ဘဝ၌) ညင်းပန်းနှိပ်စက်ပြစ်ဒဏ်ပေးမည် ဖြစ်သည်။...
• အသင်တို့ (မကောင်း) ထင်မြင်ခြင်းမှ ရှောင်ကြဥ်ကြကုန်။ အဘယ့်ကြောင့်ဆိုသော (မကောင်း) ထင်မြင်ခြင်းသည် အလိမ်လည်ဆုံးစကားပင်ဖြစ်သည်။...
• ကုန်းချောသူသည် ဂျန္နသ်သုခဘုံသို့ ဝင်ရောက်ရမည်မဟုတ်ပေ။