نبي صلی الله علیه وسلم خبر ورکوي چې: کله چې هغه د اسراء او معراج په شپه آسمان ته پورته کړی شو، نو د خلکو په یوې ډلې تېر شو چې اوسپنیز نوکان یې لرل او په هغو سره یې د خپلو مخونو او سېنو غوښې توږلې او څیرې کولې، نو هغه له جبرائیل علیه السلام څخه وپوښتل چې: دې کسانو څه کړي چې داسې عذاب ورکول کېږي؟ جبرائیل علیه السلام وویل: دا هغه کسان دي چې دخلکو غیبت کوي او د هغوی په عزتونو کې ناحقه خبرې کوي.

• د غیبت په اړه سخت خبرداری، او د غیبت کوونکي تشبیه د هغه چا سره چې د انسانانو غوښې خوري.
• د خلکو په عزتونو کې خبرې کول لکه غیبت او داسې نور له کبیره ګناهونو څخه دي.
• طيبي په دې اړه ویلي: (یخمشون) کله چې د مخ او سینو شوکارې کول د هغو ښځو صفت دی چې (په مړي) ستاینې کوي، نو دا یې د هغه چا لپاره سزا وګرځوله چې غیبت کوي او د مسلمانانو په عزتونو کې غږېږي، پدې معنا چې دا د سړیو صفتونه ندي، بلکې دا په ډېره ناوړه او بدو حالتونو کې د ښځو صفتونه دي.
• په غیبو او ټولو هغو شیانو ایمان درلودل واجب دي چې الله او د هغه رسول صلی الله علیه وسلم یې په اړه خبر ورکړی.

1. کور‌پاڼه
2. فضایل او آداب
3. زړه نرموونکي بیانونه او نصیحتونه
4. د ګناهونو بدي
5. حدیث

• له اوو بربادوونکو ګناهونو څخه ځان وساتئ
• درې قسمه کسانو سره به الله تعالی د قیامت په ورځ خبرې ونه کړي، نه به یې پاک کړي او د دوی لپاره به دردوونکی عذاب وي
• په هغو کسانو کې چې ستاسې نه مخکې وو، یو سړی و چې زخم یې درلود، نو (له ډېر درد څخه یې) فریاد کاوه، چاقو یې راواخېست او خپل لاس یې پرې کړ، نو تر هغه یې وینه ونه درېده چې مړ شوی نه و، نو الله تعالی وفرمایل:"زما بنده زما لور ته (په راتګ سره) پر...
• كُلُّ أُمَّتِي مُعَافًى إِلَّا المُجَاهِرِينَ