Nabiyyiin -Rabbiin rahmataa fi nageenya isaan irratti haa buusu- Rabbiin ol ta'e abbootii ofiitiin kakachuu akka dhoorgu himani, kanaafuu namni kakachuu barbaade Rabbi qofaan kakata malee waan Isa malee jiruun hin kakatu. Eegasii umar bin Al-Khaxxaab -Rabbiin isa irraa haa jaallatu- eega Ergamaa Rabbiitii -Rabbiin rahmataa fi nageenya isaan irratti haa buusu- sana irraa dhoorgan dhagahee beekaatis ta'ee nama biraa irraa waan Rabbiin malee jiruun kakachuu himuunis ta'ee akka ittiin hin kakatin dubbate.

• Waan Rabbiin malee jiruun kakachuun haraama ta'uudha, addatti abbootii ofiitiin kakachuu ibsuun immoo waan inni aadaa jaahiliyyaa irraa ta'eefi.
• Kakuu jechuun: Dhimma dhimmoowwan irraa ta'e wahii gadi jabeessuuf jecha Rabbiin yookaan maqoowwan Rabbiitiin yookaan sifoowwan Rabbiitiin kakachuudha.
• Sadarkaa Umari -Rabbiin isa irraa haa jaallatu- sababaa dafee waan sana irraa dhoorgamuu isaatiin, akkasumas hubannoo gaarii qabaachuu isaatii fi of eeggannoo gochuu isaatif jecha.