ဂျရီရ်ဗင်အဗ်ဒုလ္လာဟ်(ရဿိယလ္လာဟုအန်ဟု) တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) အား ယောက်ျားတစ်ဦးသည် သူစိမ်းအမျိုးသမီးတစ်ဦးအား ရည်ရွယ်ချက်မရှိဘဲ ရုတ်တရက်ကြည့်မိသွားခြင်းနှင့်စပ်လျဉ်း၍ လျှောက်ထားမေးမြန်းခဲ့သည်။ ထိုအခါ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)က သူ့အားသတိပြုမိသည်နှင့်တပြိုင်နက် ချက်ချင်း မိမိ၏မျက်နှာကို အခြားဘက်သို့ လှည့်လိုက်ရန် အမိန့်ပေးတော်မူပြီး၊ ထိုသို့ပြုလျှင် သူ့အတွက် အပြစ်မရှိ‌ကြောင်း မိန့်ကြားတော်မူခဲ့သည်။

• မျက်လွှာချထားရန် တိုက်တွန်းနှိုး‌ဆော်ထားခြင်း။
• တားမြစ်ထားသောအရာများကို ရုတ်တရက်မတော်တဆ ကြည့်မိပြီးနောက် ဆက်လက်ကြည့်ရှုခြင်းမှ သတိပေးထားခြင်း။
• ဆွဟာဗဟ်သာဝကများထံတွင် အမျိုးသမီးများကို ကြည့်ရှုခြင်း၏ တားမြစ်ချက်သည် ခိုင်မာစွာ အမြစ်တွယ်နေကြောင်း ဂျရီရ် (ရဿွိယလ္လာဟုအန်ဟု) က တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ထံ ရည်ရွယ်ချက်မရှိဘဲ ကြည့်ရှူမိပါက တမင်ရည်ရွယ်၍ ကြည့်ရှူသူ၏ အမိန့်နှင့်တူညီမှုရှိ မရှိကို မေးမြန်းခဲ့ခြင်းက သက်သေပြနေသည်။
• ဤဟဒီးဆ်‌မှ ရှရီအသ်တရားတော်သည် လူသားတို့၏ အကျိုးစီးပွားကို အလေးထားကြောင်း သိရသည်။ အဘယ်ကြောင့်ဆိုသော် အမျိုးသမီးများကို ကြည့်ရှုခြင်းသည် လောကီနှင့်တမလွန်ဆိုင်ရာ မကောင်းသောအကျိုးဆက်များ ဖြစ်ပေါ်စေနိုင်သောကြောင့် ယင်းကို ဟရာမ်ဟုသတ်မှတ်ထားခြင်းဖြစ်သည်။
• ဆွဟာဗဟ်သာဝကကြီးများသည် မိမိတို့ မရှင်းမလင်းဖြစ်နေသည့်အရာ၊ မသိနားမလည်သည့်အရာများကို အမြဲတစေ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ထံ လာရောက် မေးမြန်းလေ့ရှိကြသည်။ ထို့ကြောင့် လူသာမာန်များသည်လည်း သာသနာ့ပညာရှင်များထံ လာရောက်၍ မိမိတို့မသိနားမလည်သည်များကို မေးမြန်းသင့်ပေသည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. နှလုံးသားကို နူးညံ့စေသော ဆုံးမဩဝါဒများ။
4. စိတ်နှလုံးသားများကို ပြုပြင်ခြင်း။
5. ဟဒီးဆ်

• မုအ်မင်န်၏ အရေးကိစ္စသည် အံ့ဩစရာပင်ဖြစ်သည်။ သူ့အဖို့ သူ၏အရေးကိစ္စတိုင်းသည် အကောင်းချည်းသာဖြစ်၏။ ဤသည် မုအ်မင်န်မှအပအခြားမည်သူ့အတွက်မှ မဖြစ်နိုင်ပေ...
• လူတစ်ဦးသည် တစ်ဦးတစ်ယောက်၏ ‘ကဗရ်’မြှုပ်နှံတွင်းနားမှ ဖြတ်သွားသည့်အခါ သူ့နေရာတွင် ငါသာရှိလျှင် ဘယ်လောက်ကောင်းလိုက်မလဲဟု မပြောမချင်း ကိယာမသ် ဆိုက်ရောက်မည် မဟုတ်ပေ။...
• ထိုအခါ ကိုယ်တော်က ‘ငါကိုယ်တော်နှင့် ဤဒွန်ယာလောက မည်သို့ဆက်စပ်မှုရှိသနည်း၊ ငါကိုယ်‌ တော်သည် ဤဒွန်ယာလောက၌ အရိပ်ရရန် သစ်ပင်အောက်တွင် ခိုလှုံပြီး ထို့နောက် ထွက်ခွာသွားသော စီးနင်းသူ (ခရီးသည်) တစ်ဦးမျှသာ ဖြစ်သည်’ ဟု မိန့်တော်မူ၏။”...
• ကျွန်တော်မျိုးသည် ကိုယ်တော့်အပြင် အခြားမည်သူ့ထံမှ မေးမြန်းရန်မလိုအောင် အစ္စလာမ်နှင့်ပတ်သက်သည့် စကားရပ်တစ်ခုကို ကျွန်တော်မျိုးအား မိန့်ကြားတော်မူပါဟု လျှောက်ထားခဲ့သည်။ ထိုအခါ ကိုယ်တော်က မိန့်ကြားတော်မူသည်မှာ ကျွန်တော်မျိုး အလ္လာဟ်အရှင်မြတ်အာ...