တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်မှာ- အလ္လာဟ်အရှင်မြတ်သည် မိမိ၏ ဗန္ဒဟ်ကျေးကျွန်များ၏ သောင်ဗဟ်အမှားဝန်ချတောင်းပန်မှုကို လက်ခံတော်မူသည်။ ဗန္ဒဟ်တစ်ဦးသည် နေ့အချိန်၌ အပြစ်ကျူးလွန်မိပြီး ညအချိန်၌ သောင်ဗဟ်လုပ်(အမှားဝန်ချတောင်းပန်)လျှင် အလ္လာဟ်အရှင်မြတ်သည် ၎င်း၏သောင်ဗဟ်ကို လက်ခံတော်မူသည်။ ထိုနည်းတူ ညအချိန်၌ အပြစ်ကျူးလွန်မိပြီး နေ့အချိန်၌ သောင်ဗဟ်(အမှားဝန်ချတောင်းပန်လျှင်) အလ္လာဟ်အရှင်မြတ်သည် ၎င်း၏သောင်ဗဟ်ကို လက်ခံတော်မူသည်။ အရှင်မြတ်သည် သောင်ဗဟ်(အမှားဝန်ချတောင်းပန်မှု) အား ဝမ်းမြောက်တော်မူသဖြင့် မိမိ၏ လက်တော်ကို ၎င်းသောင်ဗဟ်အမှားဝန်ချ‌တောင်းပန်မှုကို လက်ခံတော်မူသည့်အနေဖြင့် ဖြန့်ထားတော်မူသည်။ ဤကမ္ဘာလောက၏ အဆုံးသတ်ကို ညွှန်ပြသည့်အနေဖြင့် နေသည် အနောက်အရပ်မှ ထွက်ချိန်တိုင်အောင် သောင်ဗဟ်ဝန်ချတောင်းပန်မှု၏တံခါးသည် ပွင့်လျက်ရှိသည်။ နေသည် အနောက်အရပ်မှ ထွက်သည့်အခါတွင် သောင်ဗဟ် ဝန်ချတောင်းပန်မှု၏တံခါးသည် ပိတ်သွားမည်ဖြစ်သည်။

• သောင်ဗဟ်၏တံခါး ပွင့်လျက်ရှိသမျှကာလပတ်လုံး သောင်ဗဟ်အမှားဝန်ချ‌တောင်းပန်မှုသည် လက်ခံခြင်းခံရမည်ဖြစ်ပြီး၊ အနောက်အရပ်မှ နေထွက်ခြင်းဖြင့် ယင်းတံခါးသည် ပိတ်သွားမည်ဖြစ်ကာ လူသားသည် စက်ရားသ် (သေခြင်းတရား၏လက္ခဏာများ ) မဖြစ်ခင်အရင် (လည်ပင်းသို့ ဝိညာဉ်ရောက်ရှိခြင်း)မဖြစ်မီအချိန်အထိ သောင်ဗဟ်အမှားဝန်ချ တောင်းပန်ရန် အခွင့်အရေးရှိသည်။
• ကျူးလွန်မိသော အပြစ်အကုသိုလ်ကြောင့် မျှော်လင့် ချက်ကင်းမဲ့ခြင်း မဖြစ်ရပေ။ အဘယ့်ကြောင့်ဆိုသော် အလ္လာဟ်အရှင်မြတ်၏ ခွင့်လွှတ်ခြင်းနှင့် ကရုဏာတော်သည် ကျယ်ပြန့်လှပြီး သောင်ဗဟ်ဝန်ချတောင်းပန်မှု၏တံခါးသည် ပွင့်လျက်ရှိသောကြောင့်ဖြစ်သည်။
• စစ်မှန်သည့် သောင်ဗဟ်အမှားဝန်ချ‌ တောင်းပန်မှု၏ စည်းကမ်းချက်များ- ၁။အပြစ်ကျူးလွန်မှုမှ ရပ်စဲရမည်။ ၂။ကျူးလွန်မိသည့်အတွက် နောင်တရရမည်။ ၃။နောင်တွင် ထိုအပြစ်ကို ဘယ်သောအခါမျှ ပြန်မလုပ်မိစေရန် ခိုင်မာသောဆုံးဖြတ်ချက် ချရမည်။ ဤသတ်မှတ်ချက်များသည် အလ္လာဟ်အရှင်မြတ်၏ အခွင့်အရေးနှင့်သက်ဆိုင်သည့် အပြစ်များအတွက် ဖြစ်သည်။ အကယ်၍ ထိုအပြစ်များသည် လူသားများ၏ အခွင့်အရေးနှင့် သက်ဆိုင်ပါက၊ သောင်ဗဟ်ဝန်ချတောင်းပန်မှု မှန်ကန်စေရန်အတွက် ထိုသက်ဆိုင်ရာ အခွင့်အရေးကို ပိုင်ရှင်ထံ ပြန်လည်ပေးဆပ်ရမည် သို့မဟုတ် ပိုင်ရှင်မှ ၎င်းအား ခွင့်လွှတ်လိုက်ခြင်း ဖြစ်ရမည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. နှလုံးသားကို နူးညံ့စေသော ဆုံးမဩဝါဒများ။
4. ‘သောင်ဗဟ်’ အမှားဝန်ချတောင်းပန်ခြင်း။
5. ဟဒီးဆ်

• အာဒမ်၏သားမြေးတိုင်းသည် အလွန်ပင် အမှားကျူးလွန်သူများဖြစ်ကြသည်။ ထိုသို့ အမှားကျူးလွန်သူတို့အနက် အကောင်းဆုံးသူမှာ အလွန်အမှားဝန်ချတောင်းပန်သူများပင် ဖြစ်ကြသည်။...
• သင်တို့သည် အလ္လာဟ်အရှင်မြတ်နှင့် မည်သည့် တစ်စုံ တစ်ရာကိုမျှ ရှိရ်ရ်ပြုလုပ်ကြမည်မဟုတ် ကြောင်း၊ ခိုးဝှက်ခြင်းပြုမည်မဟုတ်ကြောင်း၊ ဇိနာ(အိမ်ထောင်ရေးဖောက်ပြန်မှု) ကျူးလွန်မည် မဟုတ်ကြောင်း...
• အို - အာဒမ်၏သားမြေး အသင်သည် ငါအရှင့်ထံတော်တွင် ဆုတောင်းနေသမျှကာလပတ်လုံး၊ ငါအရှင့်ထံမျှော်လင့်တောင်းတနေသမျှကာလပတ်လုံး ငါအရှင်သည် အသင့်ထံတွင်ရှိသော (မည်သည့်ပြစ်မှုကိုမျှ) ဂရုမစိုက်ဘဲ ပြစ်မှုအားလုံးကို ခွင့်လွှတ်တော်မူမည်။...
• ကျွန်ုပ်သည် တမန်တော်မြတ် (ဆွလ္လလ္လာဟုအလိုင်ဟိဝစ္စလ္လမ်)အား လျှောက်ထားမေးမြန်းခဲ့သည်မှာ - "အို- အလ္လာဟ်အရှင်မြတ်၏ ရစူလ်တမန်တော်၊ အပြစ်ဒဏ်မှ လွတ်မြောက်ခြင်း (နဂျာသ်) ဆိုသည်မှာ အဘယ်နည်း။" တမန်တော်မြတ်(ဆွလ္လလ္လာဟုအလိုင်ဟိဝစ္စလ္လမ်)က မိန့်တော်မူ...