Profeti ﷺ na tregon në këtë hadith se Allahu i Lartësuar e pranon pendimin nga robërit e Tij. Nëse robi bën mëkat gjatë ditës dhe pendohet gjatë natës, Allahu ia pranon pendimin, sikundër që, nëse bën mëkat gjatë natës dhe pendohet gjatë ditës, Allahu ia pranon pendimin. Allahu i Lartësuar e shtrin dorën e Tij për ta pranuar pendimin (e robërve), duke u gëzuar dhe duke e pranuar këtë veprim. Dera e pendimit mbetet e hapur derisa të lindë Dielli nga Perëndimi, duke sinjalizuar fundin e botës, e kur të lindë nga Perëndimi, dera e pendimit mbyllet.

• Pranimi i pendimit vazhdon, përderisa dera e tij është e hapur, ndërsa dera e tij mbyllet kur Dielli të lindë nga Perëndimi. Gjithashtu njeriu duhet të pendohet para se t'i vijë shpirti në fyt (para agonisë së vdekjes), sepse pas kësaj kohe pendimi nuk pranohet.
• Mosdëshpërimi dhe moshumbja e shpresës për shkak të mëkatit, sepse falja dhe mëshira e Allahut të Lartësuar janë të gjera dhe dera e pendimit është e hapur.
• Kushtet e pendimit: 1. Heqja dorë nga mëkati. 2. Keqardhja për kryerjen e tij. 3. Vendosmëria për të mos u kthyer më në të. Këto janë kur mëkati është në raport me të drejtën e Allahut të Lartësuar, e, nëse ka të bëjë me të drejtën e njerëzve, atëherë për vlefshmërinë e pendimit kërkohet që ajo e drejtë t'i jepet të zotit të saj ose i zoti i saj t'ia falë.

1. Ballina
2. Vlera dhe rregullat
3. Zbutja e zemrave (er-rakaik) dhe këshillat
4. Pendimi
5. Hadithi

• Çdo bir i Ademit është mëkatar, e mëkatarët më të mirë janë ata që pendohen shpesh
• O bir i Ademit, sa herë që më lutesh e shpreson tek Unë, do të t'i fal ato që ke bërë dhe s'e kam dert
• Nuk ka njeri që bën një mëkat, pastaj ngrihet dhe merr abdes, pastaj fal namaz e i kërkon falje Allahut, përveçse Allahu do ta falë
• se e ka pyetur të Dërguarin e Allahut ç'është shpëtimi? Ai i tha: "Përmbaje gjuhën tënde, qëndro në shtëpinë tënde dhe qaj për mëkatin tënd