සැබැවින්ම අල්ලාහ් තම ගැත්තන් පශ්චාත්තාප වී සමාව අයැදීම පිළිගන්නා බව නබි (සල්ලල්ලාහු අලයිහි වසල්ලම්) තුමාණන් දන්වා සිටියි. ගැත්තා දවාලේ පාපයක් සිදු කර රාත්‍රියේ පසුතැවිලි වී සමාව අයැද සිටියේ නම්, අල්ලාහ් ඔහුගේ පාපක්ෂමාව පිළිගනු ඇත. එමෙන්ම රාත්‍රියේ පාපයක් සිදු කර දහවලේ පසුතැවිලි වී සමාව අයැද සිටියේ නම් අල්ලාහ් ඔහුගේ පශ්චාත්තාපය පිළිගනු ඇත. පශ්චාත්තාපය ගැන සතුටු වී එය පිළිගන්නට සුවිශුද්ධයාණන් තම අත දිගු හරයි. ‌මොලො‌ විනාශ වී යෑම දැනුම් දීමක් ලෙස හිරු අවරින් පායන තෙක් පාපක්ෂමාවේ දොරටු විවෘතව පවතී, එය උදා වූයේ නම් එවිට සැබැවින්ම පාපක්ෂමාවේ දොරටුව වැසී යනු ඇත.

• පාපක්ෂමාවේ දොරටුව විවෘතව පවතින තාක්කල් එය පිළිගනු ලැබේ. හිරු අවරින් උදාවීමත් සමග එහි දොරටු වැසී යනු ඇත. මිනිසාගේ ප්‍රාණය උගුරු දණ්ඩ වෙත පැමිණ හුස්ම හිරවී මරණයට පත්වීමට පෙර ඔහු පාපක්ෂමාවෙහි නිරත විය යුතුයි.
• පාපය හේතුවෙන් බලාපොරොත්තු සුන්කරගත යුතු නැත. හේතුව සැබැවින්ම සුවිශුද්ධ අල්ලාහ්ගේ සමාව හා ඔහුගේ කරුණාව අති විශාලය. තව්බා හෙවත් පාපක්ෂමාවේ දොරටු විවෘතව පවතී.
• තව්බා හෙවත් පාපක්ෂමාව යැදීමේ කොන්දේසි: පළමුවැන්න: පාපයෙන් මිදීම, දෙවැන්න: එම ක්‍රියාව පිළිබඳ පසුතැවිලි වීම, තුන්වැන්න: නැවතත් ඒ වෙත නොයන බවට සහතික කර ගැනීම. මෙය උත්තරීතර අල්ලාහ්ගේ අයිතිවාසිකම් සම්බන්ධ කටයුතුවලදීය. නමුත් ගැත්තන්ගේ අයිතිවාසිකම් අතරින් එකක් සමග සම්බන්ධ වූවක් නම් එම තව්බාව වලංගු වීම සඳහා අදාළ තැනැත්තාගේ වගකීම ඉටු කිරීම ‌හෝ අදාළ තැනැත්තා ඔහුට සමාව දීම කොන්දේසියක් වන්නේය.

1. මුල් පිටුව
2. මහිමයන් සහ ආචාරධර්ම
3. මාර්ගෝපදේශ හා උපදෙස්
4. පාපොච්ඡාරණය
5. නබි වදන

• හිරු අවරට යන තැනින් එය උදා වීමට පෙර කවරෙකු පාපක්ෂමාවෙහි නිරත වන්නේ ද අල්ලාහ් ඔහුට පාපක්ෂමාව පිරිනැමීය....
• පාපයක් සිදු කළ යම් කිසි මිනිසෙක්, ඔහු නැගිට පිරිසිදු වී පසුව සලාත් ඉටු කර පසුව අල්ලාහ්ගෙන් පාපක්ෂමාව පතන්නේ නම් අල්ලාහ් ඔහුට සමාව දෙනු මිස වෙනත් කිසිවක් නැත...
• නියතවශයෙන්ම යම් මිනිසෙකු නබි තුමානන් කෙරෙහි අඡ්නබි කාන්තාවක් තමාව සිපගත් බව පැමිනිල්ලක් යොමු කල විගස දෙවිදුන් වන අල්ලාහ් මෙසේ පහල කලේය නියතවශයෙන්ම දහවල් කාලයේ හා රාත්රි කාලෙය් කොටසක් සලාතය ඉටු කරනු මැනව සත්යවශයෙන්ම සත් ක්රියාවන් දුර්ක්...
• ඔබ අතරින් පාළු කාන්තාර භූමියේ අතරමං කර ගත් තම ඔටුවා අහම්බෙන් හමු වූ අයකුට වඩා අල්ලාහ් තම ගැත්තෙකු පතන පාපක්ෂමාව හේතුවෙන් දැඩි සේ සතුටට පත් වන්නේය....