မိခင်မွန်ကြီးအာအိရှဟ် (ရဿွိယလ္လာဟုအန်ဟာ)ကဆင့်ပြန်ခဲ့သည်။ ကိုယ်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ကဒရ်ညကို ရှာဖွေရန် ရည်ရွယ်ချက်ဖြင့် ရမဿွာန်လ၏ နောက်ဆုံး (၁၀) ရက်၌ အိအ်သိကာဖ်ထိုင်‌တော်မူလေ့ရှိခဲ့သည်။ အလ္လာဟ်အရှင်မြတ်သည် ကိုယ်တော့်အား အသက်နုတ်သိမ်းတော်မူတယ့်အထိ ထိုအတိုင်း အမြဲတစေကျင့်သုံးတော်မူခဲ့သည်။ ကိုယ်တော်ကွယ်လွန်ပြီးနောက်တွင် ကိုယ်တော်၏ ဇနီးကြင်ယာတော်များ (ရဿွိယလ္လာဟုအန်ဟွန်းန)သည်လည်း အိအ်သိကာဖ်ထိုင်ခဲ့ကြသည်။

• ၁။ ဗလီများ၌ အိအ်သိကာဖ်ထိုင်ခြင်းသည် တရားတော်၌ ပညတ်ထားသည့် ကိစ္စရပ်တစ်ခု ဖြစ်သည်။ အမျိုးသမီးများအနေဖြင့်လည်း ရှရီအတ်က သတ်မှတ်ထားသည့် စည်းကမ်းချက်များနှင့် အညီ၊ ဖိသ်နဟ်မှ လုံခြုံစိတ်ချရပါက ဗလီများ၌ အိအ်သိကာဖ်ထိုင်နိုင်သည်။
• ၂။ ရမဿွာန်လ၏နောက်ဆုံး (၁၀) ရက်၌ အိအ်သိကာဖ်ထိုင်‌ခြင်းသည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ စွဲစွဲမြဲမြဲကျင့်သုံးမှုကြောင့် ပို၍လေးနက်မှုရှိသွားပေသည်။
• ၃။ အိအ်သိကာဖ်ထိုင်ခြင်းသည် ပယ်ဖျက်ခြင်း မခံရသည့် အမြဲတစေပြုလုပ်အပ်သော စွန္နသ်တော်တစ်ရပ် ဖြစ်သည်။ အဘယ်ကြောင့်ဆိုသော် ကိုယ်တော် ကွယ်လွန်တော်မူပြီးနောက်တွင်လည်းကိုယ်တော်၏ ဇနီးကြင်ယာတော်များက အိအ်သိကာဖ်ထိုင်ခဲ့ကြသောကြောင့် ဖြစ်သည်။