တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် ဂျနာဇဟ်အား ပြင်ဆင်ခြင်း၊ ဂျနာဇဟ်ဆွလားသ်ဖတ်ခြင်းနှင့် ဒဖန်မြှုပ်နှံခြင်းတို့ကို မြန်မြန်ဆန်ဆန်ပြုလုပ်ရန် အမိန့်ပေးတော်မူခဲ့သည်။ အကယ်၍ သေသူသည် သူတော် ကောင်းဖြစ်လျှင် ယင်းသည် ကောင်း ကျိုးဖြစ်သည့် ကဗရ်၏နိအ်မသ်စည်း စိမ်ဘက်သို့ သင်တို့ ပို့ဆောင်လိုက်ခြင်း ဖြစ်၏။ အကယ်၍ သေသူသည် သူတော်ကောင်းမဟုတ်ခဲ့လျှင် အသင်တို့သည် အသင်တို့၏ပခုံးများပေါ်မှ မကောင်းမှုကို ချလိုက်ခြင်းပင် ဖြစ်၏။

• အိဗ်နုဟဂျရ်က မိန့်ဆိုသည် - မြန်မြန်ဆန်ဆန်လုပ်ဆောင်ခြင်းသည် မုစ်သဟဗ်ဖြစ်သော်လည်း သေသူအား ထိခိုက်ပျက်စီးခြင်း သို့မဟုတ် သယ်ဆောင်သူ (သို့) လိုက်ပါသူများအား ခက်ခဲပင်ပန်းခြင်း ဖြစ်မည်ကို စိုးရိမ်ရသည့် အလွန်အကျွံ မြန်မြန်ဆန်ဆန်ပြုလုပ်ခြင်း မပြုသင့်ပေ။
• အကယ်၍ သေခြင်းတရားသည် ရုတ်တရက်မဟုတ်ဘဲ မူးမေ့သွားခြင်း ဖြစ်နိုင်သည်ဟု စိုးရိမ်ရပါက၊ သေဆုံးကြောင်း သေချာစွာ မသိရသေးမီ အလျင်စလိုမြှုပ်နှံခြင်း မပြုသင့်ပေ။ သို့မဟုတ် အကျိုးအကြောင်းတစ်စုံတစ်ရာကြောင့် အနည်းငယ်နှောင့်နှေးခြင်းပြုလုပ်နိုင်သည်၊ ဥပမာ — ဂျနာဇဟ်ဆွလားသ်ဝတ်ပြုသူများ များပြားနေခြင်း (သို့) ဆွေမျိုးများရောက်ရှိလာမည့် မျှော်လင့်ချက်ရှိခြင်းတို့ဖြစ်ပြီး အလောင်းပျက်စီးသွားမည်ကို စိုးရိမ်စရာမရှိလျှင် ထိုသို့ပြုလုပ်ခွင့်ရှိသည်။
• ဂျနာဇဟ်အလောင်းကို မြုပ်နှံရန် အမြန်ဆောင်ရွက်ခြင်းသည် အကယ်၍ သေသူသည် သူတော်ကောင်းဖြစ်လျှင် သေသူအတွက် အကျိုးဖြစ်ရန် (သို့မဟုတ်) သေသူသည် ကံဆိုးသူဖြစ်ပါက ဂျနာဇဟ်လိုက်ပါပို့ ဆောင်သူများအတွက် အကျိုးဖြစ်စေရန် ဖြစ်သည်။
• အိမာမ်နဝဝီက မိန့်ဆိုသည်- ဤဟဒီးစ်တော်မှအကျင့်စာ ရိတ္တမကောင်းသော သူတို့နှင့်ပေါင်းသင်း နေထိုင်ခြင်းကို စွန့် လွှတ်သင့်ကြောင်း အကျိုးရရှိသည်။