Nabiyaamã, Wẽnd pʋʋsg la A tɩlgr be a yĩnga, kõta kibare, tɩ Wẽnd gʋlsa bũmb ning sẽn na n yɩ, sẽn yaa yembsã pʋlense, n wels-b fãa gilli, sẽn yaa vɩɩm, la kũum, la rɩtla, la zẽng sẽn ka yɩ rẽnda, Lawhulmahfuuzã (Walg ning b sẽn gũ wã) pʋgẽ, taoor t’A na n ka naan saasã la tẽngã, ne yʋʋm tus pis-nu, tɩ yẽnda me yaa bũmb sẽn na n wa yɩ n zems ne wala Wẽnd sẽn da bʋ-a wã, A Naam yɩ wagell n zẽke, Rẽnd bũmb fãa sẽn yɩte, yaa sẽn tũ ne Wẽnd Bʋʋdo la A pʋlenga, Rẽnd bũmb ning sẽn paam yamba, a ka yɩ n rag na n yõsg-a ye, la bũmb ning me sẽn yõsg-a wã, ka yɩ n da na n paam-a ye.

• Bee hadiisã pʋgẽ, tɩ yaa tɩlae tɩ b kõ sɩda ne Wẽnd Bʋʋdã la A Pʋlengã.
• Wẽnd kordgã (Pʋlenga) yẽndã la Wẽnd sẽn mi yεlã, la A gʋls-bã, la A tʋllgã, la A naan-ba.
• Yaa f bãng tɩ kõ sɩda tɩ pʋlengã, yaa bũmb b sẽn gʋlse, taoor tɩ b na n ka naan saasã la tẽngã, a paasda Adam Biig yarda la sak-n-tũ.
• Yaa f bãng tɩ Arrahmaan Naab Al-arsã (Goeelã), a ra bee koom yĩngri, taoor t’A na n ka naan saasã la tẽngã ye.