Nɑbiyɑɑmã- Wẽnd pʋʋsg lɑ A tɩlgr be ɑ yĩngɑ- kõtɑ kibɑr tɩ nebã sẽn yɩɩd ne zunoogo n nɑ n pɑɑm yẽ sugsgã dũni yikr rɑɑrã yɑɑ ned ning sẽn yeelɑ: " soɑb kɑe rẽndɑ Wẽnde t'ɑ yɑɑ sẽn mɑɑn pʋ-peelem ne gomdã ɑ sũurẽ wã" rɑt n yeel tɩ soɑbɑ b sẽn tũud ne sɩd kɑ be rẽndɑ Wẽnde, lɑ ɑ leb n tɩlg n yi lɑgm-n-tɑɑre lɑ mɑɑn-tɩ-b-yã.

• Nɑbiyɑɑmã tɑrɑ sugsg Dũni yikr rɑɑrã tɑblgo, lɑ ɑ pɑ nɑ n yɩ rẽndɑ ne Wẽnd-yembdbã.
• Nɑbiyɑɑmã sugsgã-Wẽnd pʋʋsg lɑ A tɩlgr be ɑ yĩngɑ- yɑɑ ɑ sẽn nɑ n yõk Wẽnd sεεgã -A nɑɑm yɩ wɑgelle n zẽke- t'A rɑ kẽes Wẽnd-yembdb nins sẽn sõmb ne bugmã bugmẽ wã ye, lɑ sẽn kẽ-ɑ bɩ A yiis-ɑ be.
• wilgda Tawhɩɩdã (Wẽnd yembgã) gomd sẽn yɩlg ne Wẽnd A Yembrã yɩɩdlem, la a vũunã bedrem sẽn ta to-to.
• wilgdame tɩ Wẽnd yembgã gomdã sɩdgr yɩtame tɩ fo sã n bãng a võorã la f tʋm ne a sẽn tʋllã.
• wilgda a Abʋʋ Hʋrayrat yɩɩdlemã -Wẽnd yard be a yĩnga- la a yã-beedã maaneg ne bãngrã baoobo.