Мухаммед пайгамбар (ага Аллахтын тынчтыгы жана мактоосу болсун) Ибрахим пайгамбар менен Исра жана Мираж түнүндө жолукканын кабарлайт. Ибрахим ага: «Оо, Мухаммад, үммөтүңө менден салам айт жана аларга бейиштин топурагы борпоң, суусу таттуу, тузсуз экенин билдир. Бейиш кең, тегиз, бирок азырынча бак-дараксыз, анын өсүмдүктөрү жакшы сөздөр. Булар түбөлүк сооптуу иштер болуп кала турган сөздөр: «Субханаллах» (Аллах аруу), «Алхамдулиллах» (Аллахка мактоолор болсун), «Лаа илааха иллаллох» (Аллахтан башка сыйынууга татыктуу Кудай жок), «Аллаху Акбар» (Аллах Улук). Мусулман адам бул сөздөрдү айткан жана кайталаган сайын бейиште ага бак тигилет».

• Бейиштеги бак-дарагын көбөйтүү үчүн көп зикир кылууга кызыктыруу.
• Мусулман үммөтүнүн кадыры бийик. Аларга Ибрахим пайгамбар салам айткан.
• Ибрахим пайгамбар Мухаммед пайгамбарыбыздын (ага Аллахтын тынчтыгы жана мактоосу болсун) үммөтүн көп зикир кылууга кызыктырып үндөгөн.
• Ат-Тийбий айтат: Бейиш кенен, бош болгон. Аллах Таала Өзүнүн берешендиги менен амал кылуучулардын амалына жараша анда дарактарды жана сарайларды пайда кылган. Ар бир амал кылуучуга амалына жараша өзүнө тиешелүү энчиси болот. Андан кийин Аллах Таала алар соопко жетишүүсү үчүн амалдарды жеңилдетип, тиги дарактардын көчөтү кылып койду.

1. home
2. Артыкчылыктар жана адептер
3. Артыкчылыктар
4. Зикир кылуунун артыкчылыктары
5. hadith

• Эгерде азанчы: "Аллаху акбар, Аллаху акбар" - десе, силер да: "Аллаху акбар, Аллаху акбар" - деп айтсаңар, андан кийин азанчы: "Ашхаду ал-лаа илааха иллаллах" - десе, силер да: "Ашхаду ал-лаа илааха иллаллах" - деп айтсаңар, андан кийин аза...
• Кимде-ким: "Субханаллоохи ва бихамдихи" деп күнүнө жүз жолу айтса, күнөөлөрү деңиз толкунунун көбүгүндөй көп болсо да кечирилет
• Тилиң ар дайым Аллахты зикир кылуу менен нымдалып турсун
• «Бир адам күнөө кылып: «Оо, Аллах! Менин күнөөмдү кечире көр» деди. Ошондо Аллах Таала: «Менин пендем күнөө кылды. Андан кийин ал күнөөлөрдү кечире турган жана күнөө үчүн азаптай турган Раббиси бар экенин билди» - деп айтты. Андан кийин ал...