Ыймандуулардын энеси Айша (Аллах андан ыраазы болсун) айтат: Пайгамбарыбыз (ага Аллахтын тынчтыгы жана мактоосу болсун) ажатканадан чыкканда: "Гуфранака" деп айтчу.
Сахих (ишенимдүү) - Абу Дауд, ат-Тирмизи, Ибн Маажа жана Ахмад жазып калтырган
Пайгамбарыбыз (ага Аллахтын тынчтыгы жана мактоосу болсун) ажатын өтөп чыкканда: "О, Аллах, мени кечирүүңдү сураймын" - деп айтчу.
Хадистин пайдалары
Ажатканадан чыкканда "Гуфранака" деп айтуу сүннөт.
Пайгамбарыбыз (ага Аллахтын тынчтыгы жана мактоосу болсун) бардык абалдарында Аллахка истигфар айтып, кечирим тилеген.
Ажатканадан чыкканда кечирим тилөөнүн себеби: Аллахтын көптөгөн нээматтарына, анын ичинде заң жана заараны жеңил чыкканына шүгүр айтылбай калганы үчүн. Ажат өтөп жаткан учурда Сага шүгүр келтире албаганым үчүн мени кечир деген маани дешкен.
