سەلمان -ڕەزای خوای لێبێت- دەڵێت: موشریكەكان بە گاڵتەجاریەوە پێمانیان ووت: پێغەمبەرەكەتان ئێوەی فێری هەموو شتێك كردووە، تەنانەت فێری كردوون چۆن میز وپیسی بكەن لەكاتی سەرئاو كردن! سەلمان ووتی: بەڵێ، ئەدەبەكانی سەرئاوكردنی فێرمان كرد؛ ونەهی لێكردین لەوەی پاش تەواوبوونی سەرئاو بە دەستی ڕاست تارات بكەین ئەمیش بۆ ڕێزلێنانی دەستی ڕاست وپاراستنی لە پیسی، یان نەهی لێكردین لەوەی ڕوو بكەینە كەعبە لەكاتی میز یان پیسی كردن، ونەهی كردووە لە خۆپاككردنەوە بە تەپاڵەی ئاژەڵ وپیسی وئێسك، ونابێت كەمتر لە سێ بەرد بەكاربهێنێت بۆ خۆپاككردنەوە.

• ڕوونکردنەوەى گشتگیری شەریعەتی ئیسلام بۆ هەموو ئەو شتانەى خەڵکی پێویستی پێیەتی.
• ڕوونكردنەوەی هەندێك لە دابەكانی تارات وسەرئاو كردن.
• حەرامبوونی ڕوو کردنە قیبلە لەکاتى میز یان پیسی كردن؛ چونکە فەرمووی: (نەهی لێمان کرد)، وبنچینە لە نەهی کردن بۆ حەرامبوونە.
• نەهی کردن لە تارات کردن وخۆ پاککردنەوە بە بەرد وشتی تر بە دەستی ڕاست؛ بۆ ڕێزلێنانە لە ڕاست.
• فەزڵ وچاکی دەستی ڕاست بەسەر دەستی چەپەوە؛ چونکە دەستی چەپ بەکاردێت بۆ لابردنی شتە پیس وبۆگەنەکان، ودەستی ڕاست بۆ شتە باش وپاکەکان بەکاردێت.
• واجبێتی لادانى پاشەڕۆی دەرچوو لە کۆمەوە بە ئاو یان بە بەرد، ئەگەر پیسیەکە کەم یان زۆر بێت.
• نەهی کردن لە خۆپاککردنەوە بە کەمتر لە سێ بەرد؛ چونکە کەمتر لە سێ بەرد زۆرجار نابێتە هۆی پاکبوونەوە.
• هەرشتێک مەبەستی پاکبوونەوە پێی جێبەجێ ببێت؛ ئەوا بەسە، وپێغەمبەر -صلى اللە علیە وسلم- بەردی دیاریکردووە؛ چونکە بە پێی بەکارهێنانى زۆرینەیە، وهەرشتێک بەم شێوەیە لێک بدرێتەوە نابێت وا لێی تێبگەین کە شتەکانى تر ڕێگەپێدراو نییە.
• سونەتە کۆتاییهێنان بە خۆپاککردنەوە بە بەرد لەسەر ژمارەی تاک، ئەگەر پاکبوویەوە بە چوار ئەوا بەردێکی تریش زیاد دەکات وبەو شێوەیە؛ چونکە -صلى اللە علیە وسلم- فەرمووی: (من استجمر فليوتر) واتە: (هەرکەسێک بەردی بەکارهێنا -بۆ خۆپاککردنەوە- ئەوا با -لە کۆتا جاردا ژمارەی بەردەکە- تاک بێت).
• نەهی کردن لە خۆپاککردنەوە لە پاشەڕۆ بە تەپاڵە؛ بەهۆی ئەوەی یان پیسە، یان خۆراکی ئاژەڵەکانى جنۆکەکانە.
• نەهی کردن لە خۆپاککردنەوە بە ئێسک؛ بەهۆی ئەوەی یان پیس وزیانبەخشە، یان خۆراکی جنۆکەکانە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. دەستنوێژگرتن (پاک ڕاگرتن)
5. ئادابەکانی سەرئاو کردن
6. فەرموودە

• ئەگەر چوونە سەرئاو كردن ؛ ڕوو لە قیبلە مەكەن وپشتی تێمەكەن، بەڵکو ڕوو لە ڕۆژھەڵات یان ڕۆژئاوا بکەن
• پێغەمبەری خودا -صلى اللە علیە وسلم- کاتێک بۆ دەست بەئاو گەیاندن دەچوو، من وتازە پێگەیشتووێک ئاو ودار گۆچانێکمان بۆ ھەڵدەگرت؛ وبە ئاوەکە تارەتی دەگرد...
• ڕۆژێکیان چوومە سەربانی ماڵی حەفسە، پێغەمبەرم بینی -صلى اللە علیە وسلم- سەرئاوی دەکرد؛ ڕووی لە شام وپشتی لە کەعبە بوو
• خۆتان لە میز پاک ڕابگرن، چونکە زۆرینەی سزای گۆڕ بە ھۆی ئەوەیە