Nagsabi si Salmān Al-Fārisīy (malugod si Allāh sa kanya): Nagsabi sa amin ang [isa sa] mga tagapagtambal bilang pangungutya: "Tunay na ang Propeta ninyo ay nagtuturo sa inyo ng bawat bagay hanggang sa magturo siya sa inyo kung papaano kayong tutugon sa tawag ng kalikasan ninyo ng pag-ihi o pagdumi!" Kaya nagsabi si Salmān: "Oo. Nagturo siya sa amin ng mga etiketa ng pagtugon sa tawag ng kalikasan. Kabilang doon na siya (basbasan siya ni Allāh at pangalagaan) ay sumaway sa amin na maghugas kami [ng dumi] matapos ng pagtugon ng tawag ng kalikasan sa pamamagitan ng kanang kamay bilang pangangalaga para rito laban sa karumihan at bilang pagpaparangal, o humarap kami sa dako ng Ka`bah sa sandali ng pag-ihi o pagdumi. Sumaway siya laban sa pag-iwang ng dumi ng mga hayop, mga inilalabas ng mga ito, at buto ng mga ito; at na hindi magkasya ang dumumi sa pag-iwang ng higit na kaunti sa tatlong bato."

• Ang paglilinaw sa pagkamasaklaw at pagkakumpleto ng Palabatasang Islāmiko sa bawat kinakailangan ng mga tao.
• Ang paglilinaw sa ilan sa mga etiketa ng palikuran at paghuhugas ng ihi at dumi.
• Ang pagbabawal sa pagharap sa qiblah sa sandali ng pag-ihi o pagdumi batay sa sabi niya: "Sumaway sa amin" dahil ang batayang panuntunan sa pagsaway ay ang pagbabawal.
• Ang pagsaway laban sa paghuhugas o pag-iwang sa pamamagitan ng kanang kamay bilang pagpaparangal para rito.
• Ang pagsasamainam sa kanang kamay higit sa kaliwang kamay dahil ang kaliwang kamay ay ginagamit sa pag-aalis ng mga karumihan at mga minamarumi at ang kanang kamay naman sa iba pa roon.
• Ang pagkakinakailangan ng pag-aalis ng karumihan sa pamamagitan ng tubig o mga bato [o tissue,] maging kaunti man o marami.
• Ang pagsaway laban sa pag-iwang ng higit na kaunti kaysa sa tatlong bato dahil ang higit na kaunti sa tatlong bato ay hindi nakalilinis sa kadalasan.
• Ang bawat anumang natatamo sa pamamagitan nito ang pinapakay na pagpapakadalisay at pagpapakalinis, tunay na ito ay nakasasapat. Bumanggit lamang ang Propeta (basbasan siya ni Allāh at pangalagaan) sa mga bato dahil ang mga ito ang nangingibabaw [na ginagamit noon] at ang hindi gayon ay walang pagkaintindi para rito.
• Ang pagsasakaibig-ibig ng paglimita ng pag-iwang sa bilang na gansal ngunit kapag natamo ang kalinisan sa apat ay isinasakaibig-ibig na magdagdag ng ikalima at gayon nga batay sa sabi ng Propeta (basbasan siya ni Allāh at pangalagaan): "Ang sinumang mag-iiwang ay magsagawa sa gansal [na bilang]."
• Ang pagsaway laban sa pag-iwang sa pamamagitan ng dumi ng hayop dahil ito ay maaaring marumi at maaaring dahil ito ay kumpay ng mga hayop ng mga jinn.
• Ang pagsaway laban sa pag-iwang sa pamamagitan ng buto ng hayop dahil ito ay maaaring marumi at maaaring dahil ito ay pagkain ng mga jinn mismo.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Kadalisayan
5. Ang mga Kaasalan ng Pagtugon sa Tawag ng Kalikasan
6. Ang ḥadīth

• Katakutan ninyo ang dalawang isinusumpa)) Nagsabi sila: Ano ang dalawang isinumpa O Sugo ni Allah? Ang sabi niya:( Ang mga nagdudumi sa daan ng mga tao o sa Silong nila
• {Ang Sugo ni Allāh (basbasan siya ni Allāh at pangalagaan) ay pumapasok sa palikuran saka nagdadala naman ako mismo at ang isang batang kaedad ko ng isang lalagyan ng tubig at patpat, saka naglilinis siya sa pamamagitan ng tubig.}
• Kapag nagsagawa ng wuḍū' ang isa sa inyo, maglagay siya ng tubig sa ilong niya, pagkatapos magsinga siya nito. Ang sinumang mag-iwang, gawin niya sa gansal na bilang
• Kapag pumunta kayo sa palikuran, huwag kayong humarap sa qiblah at huwag kayong tumalikod doon bagkus magpasilangan kayo o magpakanluran kayo