নবী চাল্লাল্লাহু আলাইহি অছাল্লামে হাদীছটোত জনাইছে যে, জান্নাতৰ দুৱাৰসমূহৰ মাজত এনেকুৱা এটা দুৱাৰ আছে, যাৰ নাম হৈছে বাবুৰ ৰায়্যান। কিয়ামতৰ দিনা এই দুৱাৰেৰে কেৱল ৰোজাদাৰ সকলেহে প্ৰৱেশ কৰিব। তেওঁলোকৰ বাহিৰে বেলেগ কোনেও প্ৰৱেশ কৰিব নোৱাৰিব। তেওঁলোকৰ বাবে ঘোষণা কৰা হ'বঃ ৰোজাদাৰসকল ক'ত? তেতিয়া তেওঁলোকে সেই দুৱাৰেৰে প্ৰৱেশ কৰিব, বেলেগ কোনেও সোমাব নোৱাৰিব। তেওঁলোকৰ মাজৰ সৰ্বশেষ ব্যক্তিজন যেতিয়া প্ৰৱেশ কৰিব, তেতিয়া সেই দুৱাৰ বন্ধ কৰি দিয়া হ'ব। ইয়াৰ পিছত আন কোনেও প্ৰৱেশ কৰিব নোৱাৰিব।

• ইমাম নাৱাৱীয়ে কৈছেঃ এই হাদীছটোত ৰোজাৰ ফজীলত আৰু ৰোজাদাৰসকলৰ মৰ্যাদা বৰ্ণিত হৈছে।
• মহান আল্লাহে জান্নাতৰ আঠটা দুৱাৰৰ মাজৰ পৰা এটা দুৱাৰ ৰোজাদাৰসকলৰ বাবে নিৰ্দিষ্ট কৰি ৰাখিছে। যেতিয়া তেওঁলোকে প্ৰৱেশ কৰিব, তেতিয়া সেই দুৱাৰ বন্ধ কৰি দিয়া হ'ব।
• হাদীছটোত বৰ্ণিত হৈছে যে, জান্নাতৰ দুৱাৰ আছে।
• ছিন্ধীয়ে কৈছেঃ (أين الصائمون) ৰ দ্বাৰা সেইসকল লোকক বুজোৱা হৈছে, যিসকলে বেছি বেছি ৰোজা পালন কৰে। যেনে- ন্যায়পৰায়ণ লোকে সদায় ন্যায় কৰে আৰু অন্যায়কাৰীয়ে অন্যায় কৰে। কোৱা হৈছে, যিয়ে নিয়মিতভাৱে ৰোজা পালন কৰে। কোনোবাই এবাৰ পালন কৰিলেই ইয়াৰ অন্তৰ্ভুক্ত নহয়।
• (الريان) ৰ অৰ্থ হৈছে, যিয়ে তৃষ্ণা নিবাৰণ কৰে। কিয়নো ৰোজাদাৰসকলে বিশেষকৈ গৰমৰ দিনবোৰত প্ৰচণ্ড গৰমত তৃষ্ণাতুৰ হৈ দিন অতিবাহিত কৰে। সেয়ে তেওঁলোকক এই নামৰ সৈতে সম্পৃক্ত আৰ-ৰায়্যান নামক দুৱাৰৰ দ্বাৰা পুৰস্কৃত কৰা হ'ব। আনহাতে কিছুমানে কৈছে, ৰায়্যান হৈছে "فعلان" মানদণ্ডৰ পৰা গৃহীত। যাৰ অৰ্থ হৈছে অধিক তৃপ্তি অৰ্জন, তৃষ্ণাৰ বিপৰীত। এই নাম এই কাৰণে দিয়া হৈছে যে, এইটো হৈছে ৰোজাদাৰসকলৰ ভোক পিয়াহৰ প্ৰতিদান।

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. চিয়াম
5. ৰোজা ৰখাৰ ফজিলত
6. হাদীছ

• যি ব্যক্তিয়ে ঈমানৰ সৈতে ছোৱাবৰ আশাত ৰমাজান মাহৰ চওম পালন কৰে, সেই ব্যক্তিৰ অতীতৰ গুনাহসমূহ মাফ কৰি দিয়া হয়।...
• মহান আল্লাহে কৈছেঃ আদম সন্তানৰ প্ৰতিটো আমল হৈছে তাৰ নিজৰ বাবে, কিন্তু ৰোজাৰ বাহিৰে। কাৰণ ৰোজা হৈছে মোৰ বাবে, ইয়াৰ প্ৰতিদান মই নিজে প্ৰদান কৰিম।...
• ৰমাজান অহাৰ লগে লগে জান্নাতৰ দুৱাৰসমূহ খুলি দিয়া হয়, আৰু জাহান্নামৰ দুৱাৰসমূহ বন্ধ কৰি দিয়া হয়, আৰু চয়তানবোৰক শিকলিবদ্ধ কৰা হয়।...
• বিবাহ কৰিবলৈ যাৰ সামৰ্থ আছে, তেওঁ বিবাহ কৰি লোৱা উচিত। কাৰণ বিবাহে দৃষ্টি সংযত ৰাখে আৰু লজ্জাস্থান সুৰক্ষিত ৰাখে। আনহাতে যাৰ সামৰ্থ নাই তেওঁ ৰোজা পালন কৰা উচিত। কাৰণ ৰোজাই প্ৰবৃত্তিৰ কামনা-বাসনাক প্ৰতিৰোধ কৰে।...