တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်- ဂျန္နသ်သုခဘုံ၏ တံခါးများထဲတွင် ‘ရိုင်ယ်ယားန်’ ဟုခေါ်သော တံခါးတစ်ပေါက်ရှိသည်။ ကိယာမသ်နေ့၌ ထိုတံခါးမှတစ်ဆင့် စွိယာမ်ဥပုသ်စောင့်ထိန်းခဲ့ကြသူများသည် ဝင်ရောက်ကြလိမ့်မည်။ ထိုသူများမှတစ်ပါး အခြားမည်သူမျှ ထိုတံခါးမှ ဝင်ခွင့်ရမည်မဟုတ်ပေ။ (ထိုနေ့တွင်) “ စွိယာမ်ဥပုသ်စောင့်ထိန်းခဲ့ကြသူတို့ အဘယ်မှာနည်း” ဟု မေးမြန်းခံရလိမ့်မည်။ ထိုအခါ သူတို့သည် ထရပ်ကြပြီး ဝင်ရောက်ကြလိမ့်မည်။ သူတို့မှတစ်ပါး အခြားမည်သူမျှ ထိုတံခါးမှ ဝင်ရောက်ခွင့်မရပေ။ ထိုသူတို့အနက်မှ နောက်ဆုံးလူ ဝင်ရောက်သွားသည်နှင့် ထိုတံခါးကို ပိတ်လိုက်မည်ဖြစ်ရာ ထိုနောက်ပိုင်း မည်သူမျှ ထိုတံခါးမှ ဝင်ရောက်ခွင့် ရတော့မည်မဟုတ်ပေ။

• ၁။ အိမာမ်နဝဝီက မိန့်ဆိုသည်- ဤဟဒီးစ်တော်တွင် စွိယာမ်ဥပုသ်စောင့်ထိန်းခြင်း၏ အကျိုးကျေးဇူးနှင့် စွိယာမ်ဥပုသ်စောင့်ထိန်းသူများ၏ ဂုဏ်မြင့်မြတ်မှုကို ဖော်ပြထားသည်။
• ၂။ အလ္လာဟ်အရှင်မြတ်သည် စွိယာမ်ဥပုသ်စောင့်ထိန်းသူများအတွက် ဂျန္နသ်၏ တံခါးပေါက်ရှစ်ပေါက်ထဲမှ သီးသန့် တံခါးတစ်ပေါက်ကို ပြုလုပ်ထားတော်မူပြီး၊ သူတို့ဝင်ရောက်ပြီးသောအခါ ထိုတံခါးကို ပိတ်လိုက်တော်မူမည်ဖြစ်သည်။
• ၃။ ဂျန္နသ်သုခဘုံတွင် တံခါးများရှိကြောင်း ဖော်ပြထားခြင်း။
• ၄။ အိမာမ်ဆင်န်ဒီက မိန့်ဆိုသည်မှာ - (أين الصائمون) “ စွိယာမ်ဥပုသ်စောင့်ထိန်းခဲ့ကြသူတို့ အဘယ်မှာနည်း” ဟူသော် ကိုယ်တော် ၏မိန့်ကြားချက်၏ အလိုသဘောမှာ- အလွန်အမင်း “စွိယာမ်ဥပုသ်စောင့်ထိန်းခဲ့ကြသူတို့ကို ရည်ရွယ်ခြင်းဖြစ်ပြီး အဘယ်မှာနည်း” တရားမျှတသူနှင့် မတရားသူ (တို့နှင့် နှိုင်းယှဉ်ဖော်ပြခြင်း) ကဲ့သို့ပင် ထိုအလေ့အထကို ပုံမှန်ပြုလုပ်သူကို ခေါ်ဆိုခြင်းဖြစ်သည်။ တစ်ကြိမ်တစ်ခါတည်းသာ ပြုလုပ်သူအတွက် မဟုတ်ပေ။
• ၅။ (الريان) "အရ်ရိုင်ယ်ယားန်" ၏အနက်မှာ "ရေလောင်းပေးသောအရာ" ဖြစ်သည်။ အကြောင်းမှာ စွိယာမ်ဥပုသ်စောင့်ထိန်းသူတို့သည် ရေငတ်မွတ်ခြင်းကို ခံစားကြရသည်။ အထူးသဖြင့် နွေရာသီ၏ ရှည်လျားပူပြင်းသောနေ့များ၌ဖြစ်သည်။ ထို့ကြောင့် ၎င်းတို့အား ထိုတံခါး၏ အထူးအမည်ဖြင့် ဂုဏ်ပြုချီးမြှင့်ခံရခြင်းဖြစ်သည်။ ဆိုလိုသည်မှာ ဗာဗွတ်ရ်ရိုင်ယ်ယားန် (ရိုင်ယ်ယားန်တံခါး) ဖြစ်သည်။ ထို့ပြင် "ရိုင်ယာန်" (အလွန်ရေလောင်းပေးသောအရာ) သည် ရေငတ်ခြင်း၏ဆန့်ကျင်ဘက်ဖြစ်သော အခြေအနေကို ဖော်ပြသည်ဟု ဆိုထားသည်။ ၎င်းကို အဆိုပါအမည်ပေးရခြင်းမှာ စွိယာမ်ဥပုသ်စောင့်ထိန်းသူများအား ၎င်းတို့၏ ရေငတ်ခြင်းနှင့် ဆာလောင်ခြင်းအတွက် အစားချီးမြှင့်သော အကျိုးဆုလာဘ်ဖြစ်သောကြောင့် ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွိယာမ်။
5. ဆွိယာမ်ဥပုသ်၏ ထွတ်မြတ်မှု။
6. ဟဒီးဆ်

• မည်သူမဆိုလက်ထပ်နိုင်စွမ်းရှိပါက လက်ထပ်ထိမ်းမြားလိုက်ပါ။ အဘယ်ကြောင့်ဆိုသော နိကာဟ် ထိမ်းမြားခြင်းသည် မျက်လွှာကို (ဟရာမ်တားမြစ်ထားသည့်အရာများမှ) အလွန်ပင်ထိန်းသိန်း ပေးသည်။ အရှက်အင်္ဂါကို (မကောင်းမှုမှ) အလွန်ပင်ထိန်းသိမ်းပေးသည်။ လက်ထပ်နိုင်စွမ်...
• အလ္လာဟ်အရှင်မြတ်မိန့်တော်မူသည် - လူသားတို့၏ အမလ်လုပ်ဆောင်ချက်အားလုံးသည် သူတို့အတွက်ဖြစ်၏။ သို့ရာတွင် စွိယာမ်ဥပုသ်စောင့်ထိန်းခြင်းမှာမူ ငါအရှင်မြတ်အတွက်သာလျှင်ဖြစ်၍ ငါအရှင်မြတ်ကိုယ်‌တော်တိုင် ၎င်း၏ အကျိုးဆုလာဘ်ကို ချီးမြှင့်ပေးသနားတော်မူမည်...
• မည်သူမဆို အီမာန်နှင့်တကွ အကျိုးဆဝါဗ်ကို မျှော်ကိုးပြီး ရမဿွာန်လ၏ (ဆွိယာမ်)ဥပုသ်ကို စောင့်ထိန်းခဲ့လျှင် ၎င်းသူ ယခင်ကကျူးလွန်မိခဲ့သော အပြစ်အကုသိုလ်များ ခွင့်လွှတ်ပေးခြင်းခံရမည် ဖြစ်သည်။...
• “လမြတ်ရမဿွာန် ရောက်ရှိလာသောအခါ ဂျန္နသ်သုခဘုံ၏ တံခါးများမှာ ဖွင့်ပေးခြင်းခံရပြီး၊ ဂျဟန္နမ်ငရဲ၏ တံခါးများမှာမူ ပိတ်ခြင်းခံရ၏။ ထို့ပြင် ရှိုင်သွာန်မိစ္ဆာများမှာ ချုပ်နှောင်ခြင်းခံရလေသည်။”...