ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ሁለት ሴት ልጆችን ወይም እህቶችን የተለገሰና ለአቅመ ሄዋን እስኪደርሱ ድረስም ለነርሱ ቀለባቸውን፣ በመልካም ማነፁን፣ ወደ መልካም መጠቆሙን፣ ከመጥፎ መከልከሉንና የመሳሰሉትን ሀላፊነቶች እየተወጣ የተንከባከባቸው ሰው የትንሳኤ ቀን እርሱና ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና እንደዚ ሆነን ይመጣል ብለው መጠቆሚያ ጣታቸውንና መሀል ጣታቸውንም አጣብቀው አሳዩ።

• ሴት ልጆች እስኪያገቡ ወይም እስኪደርሱ ድረስ የቀለባቸውንና በመልካም የማነፁን ሀላፊነት የተወጣ ሰው ምንዳው ትልቅ መሆኑን እንረዳለን። ለእህቶችም ማድረግ ተመሳሳይ ነው።
• የሴት ልጆች ፍላጎትን ማሟላት የወንድ ልጆችን ፍላጎት ከማሟላት የበለጠ ምንዳ ያስገኛል። ወንድ ልጆችን በተመለከተ ይህን መሰል ምንዳ አልተጠቀሰምና። ይህም የሆነበት ምክንያት የሴት ልጆች ቀለብና ለነርሱ ጉዳይ ትኩረት መስጠት ከወንድ ልጆች የበለጠ ስለሆነ ነው። ሴት ልጆች እንደወንዶች ጉዳያቸውን በራሳቸው የማያስፈፅሙና የተሸሸጉ ስለሆኑ፤ በተጨማሪም አባቶች በወንድ ልጆች እንደሚሳቡት በሴት ልጆቻቸው ግን በጠላቶቻቸው ላይ ስለማይታገዙባቸው፣ የአባቶችን ስም ህያው በማድረግ፣ ዘሩን በማስቀጠልና በመሳሰሉት በኩል እምብዛም ስለሆኑ የአባቶችን ፍላጎት የሚስቡ አይደሉም። በዚህም ሰበብ በነርሱ ላይ ወጪን የሚያወጣው ሰው ኒያውን ከማሳመር ጋር መታገሱና ስራውን ለአላህ ማጥራቱ ይበልጥ አስፈላጊ ሆነ። በዚህም ምንዳው ገዝፎለት የትንሳኤ ቀንም የነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ጓደኛ መሆን ቻለ።
• ሴት ልጅ የመድረሷ ምልክቶች: አስራ አምስት አመት መሙላቷ ወይም አስራ አምስት አመት ባትሞላም የወር አበባ ማየቷ ወይም የብልት አካባቢ ፀጉር ማውጣቷ ወይም በተኛችበት የዘር ፈሳሽ ማየቷ ናቸው።
• ቁርጡቢይ እንዲህ ብለዋል: «"እስኪደርሱ" በማለት የሚፈለገው ራሷን የምትችልበት ደረጃ እስክትደርስ ማለት ነው። ይህም የሚሆነው (ትዳር ይዘው) ባሎቻቸው ዘንድ ሲገቡ ነው። እስክትደርስ በማለት የተፈለገው የወር አበባ እስክታይና በሸሪዓ ግዴታዎች ተጠያቂ እስክትሆን ማለት አይደለም። የወር አበባ ከማየቷ በፊት አግብታም በባሏ ቀላቢ ከመፈለግ ልትብቃቃ ትችላለች። የወር አበባ ማየት ጀምራም ራሷን እንድትችል ብትተው በምትጠፋና ሁኔታዋ በሚበላሽ መልኩ ላይ ልትሆን ትችላለችና። እንደውም በዚህ ሁኔታ ላይ ስትሆን እንክብካቤዋ ተሟልቶ ለጋብቻ እንድትፈለግ ጥበቃ፣ ቁጥጥርና እንክብካቤ የበለጠ የምትፈልግበት ወቅት ነው። ለዚህም ሲባል ዑለማዎቻችን እንዲህ ብለዋል: ከሴት ልጅ ወላጅ ላይ ልጁ አቅመ ሄዋን በመድረሷ ብቻ ቀለብ አይቀርለትም። ሀላፊነቱ የሚነሳው ባሏ ጋር በመግባቷ ነው።

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የመልካም ስራዎች ትሩፋቶች
5. ሓዲሥ

• አንድ ሰውዬ እየሄደ ሳለ መንገድ ላይ እሾካማ ቅርንጫፍ አገኘና አራቀው። አላህም ስራውን ተቀበለው። ወንጀሉንም ማረው።
• ሁለት ሙስሊሞች ተገናኝተው በእጅ በመጨባበጥ ሰላምታ ከተለዋወጡ ከመለያየታቸው በፊት ለነርሱ ወንጀላቸው ይማራል።
• ቤቶቻችሁን መቃብር አታድርጉ! ቀብሬንም የሚጎበኝ የበአል ስፍራ አታድርጉት! ይልቅ በኔ ላይ ሶለዋት አውርዱ! የትም ብትሆኑ ሶለዋታችሁ ትደርሰኛለችና።...
• ፀጉረ ጨብራራና ከበር ተገፍትሮ የሚባረር በአላህ ሲምል ግን አላህ ከመሃላው የሚያጠራው ስንትና ስንት ሰው አለ?!