پێغەمبەر -صلى اللە علیە وسلم- پێمان ڕادەگەیەنێت ئەو كەسەی خوای گەورە دوو كچ یان دوو خوشكی پێ ببەخشێت؛ پاشان هەستێت بە بەخێوكردنیان وپەروەردە كردنیان وڕێنموێنی كردنیان بۆ خێر وچاكە وئاگاداریان بكاتەوە لە شەڕ وخراپە هەتاوەكو گەورە دەبن وپێدەگەن، ئەوا لە ڕۆژی قیامەتدا دێت لەگەڵ پێغەمبەری خودایە -صلى اللە علیە وسلم- هەروەكو چۆن پەنجەی شایەتمان وپەنجەی ناوەڕاست پێكەوەن.

• پاداشتی گەورە بۆ ئەوانەى سەرپەرشتیاری کچان دەکەن وپەروەردەیان دەکەن هەتاوەکو باڵغ دەبن وشوو دەکەن، و بەهەمان شێوە خوشکیش.
• پاداشتی پەروەردە وبەخێوكردنی كچان زیاترە لە كوڕان؛ و هاوشێوەی ئەمە دەرهەق بە كوڕان باس نەكراوە، بەخێوكردنی كچان ودابینكردنی پێویستیەكانیان گرنگترە بە بەراورد لەگەڵ كوڕان؛ چونكە كچ شەرم دەكات وداپۆشراوە وڕاستەوخۆ ناتوانێت پێویستیەكانی خۆی جێبەجێ بكات، وناتوانێت وەكو كوڕ هەڵسوكەوت بكات، هەروەها باوك خواستی خۆبەهێزكردنی پێیان نییە بەسەر دوژمنەكان، وپشتیان پێ نابەستێت بۆ زیندووێتی ناوی وبەردەوامی ڕەچەڵەكی؛ بە بەراورد لەگەڵ كوڕان وهۆكاری تر، بۆیە پێویستە ئارامگرتن ودڵسۆزی هەبێت لەو كەسەی كە خەرجیان لەسەر دەكات لەگەڵ نیەتی چاك؛ بۆئەوەی پاداشتی مەزن وەردەگرێت، ودەبێت بە هاوەڵی پێغەمبەر -صلى اللە علیە وسلم- لە ڕۆژی قیامەتدا.
• نیشانەكانی باڵغ بوونی ئافرەت: پانزە ساڵ تەواو بكات، یان تووشی سوڕی مانگانە بێت ئەگەرچیش نەگەیشتبێتە پانزە ساڵ، یان مووی دامێنی دەبکەوێت، یان تووشی لەشگرانی بێت بەهۆی دابەزینی مەنی لە خەوندا.
• قورتوبی دەڵێت: (هەتاوەكو پێدەگەن)؛ مەبەست لێی ئەوەیە كاتێك دەگەن بە حاڵەتێك سەربەخۆ دەبن، ئەمیش كاتێك لە ئافرەتدا ڕوودەدات كە مێردیان هەبێت، مەبەست لە پێگەیشتن ئەوە نییە تووشی سوڕی مانگانە بێت وئەركە شەرعیەكانی لەسەر واجب بێت؛ چونكە لەوەیە پێش ئەم حاڵەتە هاوسەرگیری بكات ومێردەكەی خەرجی لەسەر بكات وچیتر پێویستی بەوە نەبێت سەرپەرشتیارەكەی خەرجی لەسەر بكات، ولەوەیە تووشی سوڕی مانگانە بێت وسەربەخۆ نەبێت لە هەربەرژەوەندییەك وئەگەر وازی لێبهێندرێت تیادەچێت وهەموو كاروبارێكی خراپ دەبێت، بەڵكو لەم حاڵەتەدا شایستەترە بەتەواوی بپارێزرێت هەتاوەكو بە شووی دەدات، بەهۆی ئەم مانایەوە زانایانمان فەرموویانە: خەرجی باوك لەسەر كچ لاناچێت ئەگەر باڵغیش بێت هەتاوەكو دەچێتە ماڵە مێردی خۆی.

1. سه‌ره‌كی
2. فەزڵەکان وئادابەکان
3. فەزڵەکان
4. فەزڵی کردەوە چاکەکان
5. فەرموودە

• خواى گەورە بەهۆی ئەو کردەوەیە بەهەشتی بۆی مسۆگەر كرد، یان بەهۆی ئەو کردەوەیە لە دۆزەخ ڕزگاری کرد
• خوای گەورە دەفەرموێت: هیچ شتێک بۆ بەندەکەم نییە ئەگەر ڕۆحی خۆشەویستەکەیم کێشا جگە لە بەهەشت نەبێت؛ ئەگەر ئەو ئارام بگرێت وداوای پاداشت بکات...
• نزیکترینی خەڵکی لە خواى گەورە ئەوانەن کە لە سەرەتادا سەلام دەکەن
• ئەی خەڵکینە، سەلام لە یەکتر بکەن، وپەیوەندی خزمایەتی بگەیەنن، وخواردن ببەخشن، وشەونوێژ بکەن لەکاتێکدا خەڵکی خەوتوون؛ ئەگەر ئەم کردەوانە بکەن ئەوا بە سەلامەتی دەچنە بەهەشتەوە...