Nagpadala ang Propeta (basbasan siya ni Allāh at pangalagaan) kay Mu`ādh (malugod si Allāh sa kanya) sa Yemen para magturo sa mga tao at mag-anyaya sa kanila. Kabilang sa ipinag-utos sa kanya na kumuha siya mula sa mga Muslim ng zakāh ng mga baka nila, na sa bawat tatlumpung baka ay kukuha siya ng isang lalaking guya o isang babaing guya, na nalubos sa isang taong gulang; at sa bawat apatnapung baka ay kukuha siya ng isang bakang musinnah, na nalubos sa dalawang taong gulang; na kumuha siya ng jizyah mula sa mga May Kasulatan na mga Hudyo at mga Kristiyano, na para sa bawat lalaking adulto ay isang dinar o nakapapantay sa isang dinar mula sa mga damit sa Yemen, na tinatawag na mu`āfir.

• Ang jizyah ay hindi kinukuha kundi mula sa sinumang tumuntong na sa pagkaadulto dahil ang tuntunin ng hindi kinukunan nito ay ang hindi pinapayagang patayin kapag nabihag gaya ng bata, babae, at iba pa sa dalawang ito.
• Ang jizyah ay nakasalalay sa pagpapasya ng pinuno ang pagtatakda nito sapagkat tunay na nagkakaiba-iba ito alinsunod sa pagkakaiba-iba ng lugar at panahon at pagkamayaman at pagkamaralita. Ang patunay roon ay na ang Propeta (basbasan siya ni Allāh at pangalagaan) ay ang nagtakda nito sa mga naninirahan sa Yemen sapagkat nagsabi siya kay Mu`ādh: "[kumuha ka bilang zakāh] mula sa bawat lalaking adulto ng isang dinar" samantalang nadagdagan ng jizyah sa pagtatakda ni `Umar (malugod si Allāh sa kanya) nang nagtakda siya nito sa mga naninirahan sa Shām.
• Ang pagpapahalaga sa pagtitipon ng zakāh at ang pagpapakinatawan sa magtitipon nito ay kabilang sa mga tungkulin ng nakatalaga sa pamamahala.
• Ang tabī` ay ang nakalubos sa isang taong gulang at pumasok sa ikalawang taon. Tinatawag itong tabī` (kasunod) dahil ito ay hindi natigil sa pagsunod sa ina nito.
• Ang dinar ay isang salaping ginto. Ang dinar Islāmiko ay may timbang ng 4.25 gramo ng ginto.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Zakāh
5. Ang Zakāh ng mga Hayupan
6. Ang ḥadīth

• Walang Sadaqah ang mababa sa limang onsa (ng pilak), at wala ding Sadaqah kapag mababa sa limang kamelyo, at wala ding Sadaqah kapag mababa sa limang Awsuq (300 Sa'= ang Sa' ay isang sisidlan na naglalaman ng halos 3 kilo)