Naglinaw ang Propeta (basbasan siya ni Allāh at pangalagaan) na ang sinumang gumabay, nagturo, at nag-udyok sa mga tao sa isang daan na may katotohanan at kabutihan sa pamamagitan ng pagsabi o paggawa, magiging ukol sa kanya ang tulad ng pabuya sa sinumang sumunod sa kanya nang hindi nakabawas iyon ng anuman mula sa pabuya sa tagasunod. At ang sinumang gumabay at nagturo sa mga tao tungo sa isang daan ng kabulaanan at kasamaan na may pagkakasala at kamalian o utos na hindi napahihintulutan sa pamamagitan ng pagsabi o paggawa, magiging laban sa kanya ang tulad ng pabigat at kasalanan ng sinumang sumunod sa kanya nang hindi nakabawas iyon ng anuman mula sa mga kasalanan nila.

• Ang kainaman ng pag-aanyaya tungo sa patnubay, kaunti man ito o marami, at na ang tagapag-anyaya ay magtatamasa ng tulad ng pabuya sa tagagawa. Iyon ay bahagi ng kadakilaan ng kabutihang-loob ni Allāh at kalubusan ng pagkamapagbigay Niya.
• Ang pagkapanganib ng pag-aanyaya tungo sa pagkaligaw, kaunti man ito o marami, at na ang tagapag-anyaya ay magdurusa ng tulad ng pabigat sa tagagawa.
• Ang ganti ay kabilang sa uri ng gawain. Kaya naman ang sinumang nag-anyaya tungo sa kabutihan, magiging ukol sa kanya ang tulad ng pabuya sa tagagawa nito; at ang sinumang nag-anyaya tungo sa kasamaan, magiging laban sa kanya ang tulad ng pabigat sa tagagawa nito.
• Kailangan sa Muslim na mag-ingat sa sinumang tinutularan niya dahil sa pakikipaghayag niya ng pagsuway habang ang mga tao ay nakakikita rito sapagkat tunay na siya ay nagkakasala dahil sa ginagaya-gaya niya, kahit pa man hindi ito humimok sa kanya sa gayon.

1. Ang Pangunahin
2. Ang Pinaniniwalaan
3. Ang mga Pangalan at ang mga Patakaran
4. Ang Bid`ah
5. Ang ḥadīth

• Ang sinumang nagpauso kaugnay sa nauukol sa aming ito ng anumang hindi kaugnay rito, iyon ay tatanggihan
• Sinuman ang bumuhay sa Islam sa mabuting Sunnah [Ng Propeta],mapapasakanya ang gantimpala,At ang gantimpala ng sinumang nagsagawa nito pagkatapos niya,Na hindi naibabawas sa mga gantimpala nila kahit na isang bagay lang,At Sinuman ang bumuh...
• Ang sinumang nagpauso kaugnay sa nauukol sa aming ito ng hindi bahagi nito, ito ay tatanggihan