May dumating na isang lalaking kabilang sa mga Hudyo sa Pinuno ng mga Mananampalataya na si `Umar (malugod si Allāh sa kanya) at nagsabi ito sa kanya: "May talata sa Aklat ninyo na binibigkas ninyo. Kung sakaling bumaba ito sa amin – katipunan ng mga Hudyo – sa kasulatan namin, ang Torah, talaga sanang gumawa kami sa araw na iyon bilang isang pagdiriwang, na magdiriwang kami nito bilang pasasalamat sa pagpapala ng pagbaba ng dakilang talatang ito." Kaya nagsabi rito si `Umar (malugod si Allāh sa kanya): "Aling talata?" Nagsabi ito (Qur'ān 5:3): {Sa araw na ito bumuo Ako para sa inyo ng Relihiyon ninyo, lumubos Ako sa inyo ng biyaya Ko at nalugod Ako para sa inyo sa Islām bilang relihiyon.} Nagsabi si `Umar (malugod si Allāh sa kanya): "Nakaalam nga kami sa araw na iyon at lugar na bumaba roon ang marangal na talatang ito sapagkat bumaba nga ito sa araw ng Eid – ang araw ng Biyernes – sa Propeta (basbasan siya ni Allāh at pangalagaan) habang siya ay nakatayo sa `Arafah." Ang dalawang ito ay dalawang dakilang araw sa ganang mga Muslim.

• Ang paglilinaw sa taglay ni `Umar (malugod si Allāh sa kanya) na pagmamalasakit sa lugar at panahon ng pagbaba ng talata.
• Ang talatang ito ay nagsaad ng paglilinaw sa iminabuting-loob ni Allāh (napakataas Siya) sa Kalipunang ito yayamang bumuo Siya ng Relihiyon nito at lumubos Siya ng mga biyaya Niya rito sa punto na hindi ito nangangailangan ng isang karagdagan sa nauukol sa Relihiyon. Kaya ang bawat nauso matapos na bumuo nito si Allāh (napakataas Siya), na anumang walang patunay para rito mula sa Kanya, ay itinuturing na isang bid`ah ng kaligawan, gaya ng pagkapatibay niyon buhat sa Propeta (basbasan siya ni Allāh at pangalagaan) na nagsabi: "Ang sinumang nagpauso kaugnay sa nauukol sa aming ito ng hindi bahagi nito, ito ay tatanggihan."
• Ang ḥadīth na ito ay maaaring magpahinuha na ang mga pagdiriwang ay hindi batay sa pananaw o imbensiyon gaya ng ginawa ng mga Kristiyano at mga Hudyo bago pa natin; ang mga ito ay batay lamang sa Kapahayagan at pagsunod lamang. Kaya ang talatang ito, dahil naglaman ito ng pagkabuo ng Relihiyon at pagkalubos ng biyaya, ay ibinaba ni Allāh sa isang araw na isinabatas Niya bilang isang pagdiriwang sa Kalipunang ito sa dalawang anggulo. Ang una ay na ito ay araw ng pagdiriwang ng isang linggo, ang araw ng Biyernes at ang ikalawa ay na ito ay araw ng pagdiriwang ng mga nakadalo sa okasyon, ang araw ng pinakamalaking pagkatipon nila at pinakadakilang pagkatigil nila [sa `Arafah].
• Nagsabi si As-Sa`dīy sa pagpapakahulugan sa talatang ito (Qur'ān 5:3): [Ang pagkasabi ng:] {Sa araw na ito bumuo Ako para sa inyo ng Relihiyon ninyo} ay dahil sa pagkalubos ng pag-aadya, pagkabuo ng mga batas na nakalantad at nakakubli, na mga saligan at mga sangay. Dahil dito, ang Qur'ān at ang Sunnah ay nakasasapat nang buong kasapatan sa mga patakaran ng Relihiyon sa mga saligan nito at mga sangay nito. Ang bawat tagapagkunwari ay nag-aakala na walang pagkaiwas sa mga tao sa pag-alam sa mga paniniwala nila at mga patakaran nila sa mga kaalamang hindi kaalaman sa Qur'ān at Sunnah gaya ng `ilmulkalām (teolohiyang pilosopikal) at iba pa rito. Kaya siya ay isang mangmang na tagapagpawalang-saysay sa pag-aangkin niya. Nag-akala nga siya na ang Relihiyon ay hindi nabubuo kundi sa pamamagitan ng sinabi niya at ipinaaanyaya niya. Ito ay bahagi ng pinakamabigat na kawalang-katarungan at pagpapamangmang kay Allāh at sa Propeta Niya. [Ang sabi ni Allāh na]: {lumubos Ako sa inyo ng biyaya Ko} na nakalantad at nakakubli {at nalugod Ako para sa inyo sa Islām bilang relihiyon.} ay nangangahulugang: "Pumili Ako nito at humirang Ako nito para sa inyo bilang Relihiyon kung paanong nalugod Ako sa inyo para rito." Kaya isagawa ninyo ito bilang pasasalamat sa Panginoon ninyo at purihin ninyo Siya na nagmabuting-loob sa inyo ng pinakamainam, pinakamarangal, at pinakakumpletong Relihiyon.

1. Ang Pangunahin
2. Ang Marangal na Qur'ān at ang mga Agham Nito
3. Ang mga Kainaman ng Qur'ān
4. Ang mga Kainaman ng mga Kabanata at mga Talata ng Qur'ān
5. Ang ḥadīth

• Hindi ko ba ituturo sa iyo ang pinakadakilang kabanata sa Qur'ān
• Mayroong isang lalaki na nagbabasa ng Kabanata ng Kahf,at mayroon siyang kabayo na nakatali sa dalawang lubid.
• Tunay na ang Sugo ni Allah pagpalain siya ni Allah at pangalagaan-ay nagpadala ng isang lalaki sa hukbo [ng mga kawal],at siya ay nagbabasa sa mga kasamahan niya sa pagdarasal nila,at tinatapos niya sa "Ipagbadya (O Muhammad) siya si Allah ...
• {Ang Propeta noon (basbasan siya ni Allāh at pangalagaan), kapag pumunta siya sa higaan niya bawat gabi, ay nagbubuklod ng mga kamay niya. Pagkatapos bumubuga siya sa mga ito saka bumibigkas sa mga ito ng ika-112 kabanata, ika-113 kabanata,...