Prijësi i besimtarëve, Ali ibn Ebi Talibi (Allahu qoftë i kënaqur me të!), ka thënë: "Nëse më dëgjoni duke transmetuar nga Profeti ﷺ, unë nuk përdor shprehje figurative, aludime apo fjalë me kuptime të paqarta; përkundrazi, flas qartë. Nëse do të bija nga qielli, kjo do të ishte më e lehtë për mua sesa të transmetoja nga i Dërguari i Allahut ﷺ duke i atribuar atij gënjeshtra. Por, nëse flas për çështje mes meje dhe njerëzve, atëherë lufta është dinakëri dhe mund të përdor shprehje figurative, aludime ose fjalë me kuptim të dyfishtë. Vërtet, e kam dëgjuar Profetin ﷺ duke thënë: "Në fund të kohës do të shfaqen djelmosha, të rinj në moshë dhe të dobët në mendje. Ata do të citojnë fjalët e Kuranit dhe do ta lexojnë shpesh, por do të dalin nga Islami dhe do t’i tejkalojnë kufijtë e tij, ashtu siç shigjeta del nga harku. Imani i tyre nuk do të kalojë përtej fytit të tyre. Kudo që t’i gjeni (gjatë luftimit), vritini, sepse Ditën e Kiametit vrasësi shpërblehet për vrasjen e tyre.

• Nxjerrja në pah e disa prej cilësive të havarixhëve.
• Në këtë hadith tregohet një prej shenjave të profecisë, pasi Profeti ﷺ njoftoi për ngjarje që do të ndodhnin pas tij, dhe ato ndodhën saktësisht ashtu siç kishte lajmëruar.
• Lejohet gjatë luftës përdorimi i të folurit të tërthortë dhe i aludimeve. Dinakëria në luftë bëhet përmes fjalëve që çojnë në keqkuptim (janë të tërthorta), duke ngritur pritë ose të ngjashme me to, me kusht që të mos përfshijë shkeljen e marrëveshjeve ose cenimin e garancive të sigurisë, sepse për këto ka ndalim të qartë.
• Neveviu, lidhur me fjalën profetike: “... flasin fjalët më të mira ndër njerëz”, ka thënë: "Domethënë, sipas pamjes së jashtme. Siç është fjala e tyre: “Nuk ka gjykim tjetër përveç gjykimit të Allahut”, dhe shprehje të ngjashme me këtë, me të cilat i thërrasin njerëzit te Libri i Allahut të Lartësuar."
• Ibn Haxheri, lidhur me fjalën profetike: “Imani i tyre nuk arrin të kalojë përtej fytit të tyre”, ka thënë: "Qëllimi është se imani nuk ka zënë vend në zemrat e tyre, sepse ajo që ndalet te fyti dhe nuk e kalon atë, nuk mund të arrijë në zemër."
• Kadi Ijadi ka thënë: "Dijetarët janë pajtuar njëzëri se kur havarixhët, dhe ata që u ngjajnë atyre prej bidatçinjve të devijuar dhe zullumqarëve, ngrihen kundër sundimtarit, kundërshtojnë konsensusin e bashkësisë (xhematit) dhe shkaktojnë përçarje, bëhet detyrë luftimi i tyre pasi të jenë paralajmëruar dhe t’u jetë paraqitur argumenti i qartë e i pakundërshtueshëm."

1. Ballina
2. Akideja
3. BESIMI NË TË DËRGUARIT
4. Kerametet e miqve të Allahut
5. Hadithi

1. Ballina
2. Akideja
3. Emrat dhe normat
4. Bidatet
5. Ahl-us-Sunnah's (Sunni) Stance on Religious Innovators
6. Hadithi

1. Ballina
2. Fikhu dhe usuli-fikh (bazat e fikhut)
3. Fikhu i ibadeteve
4. Xhihadi
5. Rulings of Terrorism, Assassinations, and Explosions
6. Hadithi

• “Më të mirët nga ju janë gjenerata ime, pastaj pasardhësit e tyre, pastaj pasardhësit e tyre.”
• “Nuk ka besuar (plotësisht) ai që nuk i ka dëshirat në përputhje me atë që kam sjellë unë.”