Nabigu scw wuxuu cadeeyey shan wax yaabood oo diinta islaamka iyo sunihii ambiyada ka mid ah: Tan koowaad: gudniinka, waana jaritaan la jaro haraga sare ee qariya madaxa buuryada ragga, iyo in la jaro madax kintirka gabdhaha halka buuryadu marayso korkeeda. Tan labaad: waa xiiritaanka timaha bisqanta. Tan saddexaad: gaabinta timaha shaarubaha, lamana ogola inay qariyaan bishinta. Tan afraad: waa jaritaanka cidiyaha. Tan shanaad: timaha kilkillada oo la rifo.

• Sunaha ambiyada ee Ilaahay jecelyahay raaligana ka yahay waliba uu faray adoomadiisa waxay dadka u tahay kamaal, wanaag iyo qurux.
• waa sharci in arimahan la joogteeyo oo aan la moogaan.
• Tilmaamahan waxay leeyihiin faa'iidooyin xaga diinta iyo xaga aduunka ah, waxaa ka mid ah: muuqaal wanaag, nadaafada jirka, iyo in dahaarada loo degdego, in gaalada la khilaafo iyo in amarka Ilaahay oo la qaato.
• Xadiisyo kale waxaa lagu sheegay tilmaamo kale oo fidrada ka mida, oo aan shantaan ahayn, sida: garka oo la daayo, rumayga, iyo kuwa kale.