တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)က ရှင်းပြတော်မူသည်မှာ အကျင့်ငါးခုသည် အစ္စလာမ်သာသနာနှင့် ရစူလ်တမန်တော်များ၏ စွန္နသ်လမ်းစဉ်အနက်မှဖြစ်သည်။ ၎င်းတို့မှာ (၁) ခသ်နဟ် လိင်အရေပြား လှီးဖြတ်ခြင်း။ အမျိုးသားတွင် လိင်တံထိပ်ပိုင်းကို ဖုံးအုပ်နေသော အရေပြားအပိုကိုဖြတ်ခြင်း၊ အမျိုးတွင် အမျိုးသမီးအင်္ဂါဇာတ် အပေါ်ဖက်ရှိ အရေပြား ထိပ်ပိုင်းကိုဖြတ်ခြင်း။ (၂) ချက်အောက်မွေးရိတ်ခြင်း။ အရှက်အင်္ဂါပတ်လည်ရှိ အမွေးအမျှင်များကို ရိတ်ခြင်း။ (၃) နှုတ်ခမ်းမွေးညှပ်ခြင်း။ အမျိုးသား၏ အပေါ်နှုတ်ခမ်းအထက်တွင် ပေါက်သော အမွေးအမျှင်များကိုညှပ်ကာ နှုတ်ခမ်းကိုပေါ်လွင်အောင်ထားခြင်း။ (၄) လက်သည်း၊ ခြေသည်းညှပ်ခြင်း။ (၅) ချိုင်းမွေးနုတ်ခြင်းတို့ဖြစ်သည်။

• အလ္လာဟ်အရှင်မြတ် နှစ်သက်ကျေနပ်ပြီး လိုက်နာရန်အမိန့်ပေးထားသော ရစူလ်တမန်တော်များ၏ စွန္နသ်တော်များတွင် ပြီးပြည့်စုံမှု၊ သန့်ရှင်းမှုနှင့် လှပတင့်တယ်ခြင်းတို့ရှိသည်။
• ဤအချက်များကို အလေးထားဆောင်ရွက်ရန်နှင့် မေ့လျော့ခြင်း မရှိစေရန် ပြဌာန်းထားသည်။
• ဤအကျင့်များတွင် လောကီ၊ လောကုတ္တရာ နှစ်ဌာနစလုံး၏ ကောင်းကျိုးများရှိသည်။ ၎င်းတို့အနက်အချို့မှာ ရုပ်ဆင်းလှပခြင်း၊ ခန္ဓာကိုယ်သန့်ရှင်းစင်ကြယ်ခြင်း၊ သန့်ရှင်းစင်ကြယ်မှုကို အလေးထားခြင်း၊ ကာဖိရ်တို့နှင့်ဆန့်ကျင်ခြင်း၊ အလ္လာဟ်အရှင်မြတ်၏အမိန့်တော်ကို နာခံခြင်းတို့ဖြစ်သည်။
• ဤငါးခုအပြင် အခြားသော လူသား၏ သဘာဝများရှိကြောင်း အခြားဟဒီးဆ်တော်များတွင် ဖော်ပြထားသည်။ ဥပမာ - မုတ်ဆိတ်မွေးကို လွှတ်ထားခြင်း၊ တံပူတိုက်ခြင်း စသည်တို့ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. သန့်ရှင်းစင်ကြယ်မှု။
5. အမူအကျင့်ဆိုင်ရာ စွန္နသ်တော်များ။
6. ဟဒီးဆ်

• (မစ္စဝါက်) တံပူစားခြင်းသည် ခံတွင်းကို သန့်ရှင်းစင်ကြယ်စေပြီး အလ္လာဟ်အရှင်မြတ် ‌ကျေနပ်နှစ်သက်မှုကိုရရှိစေသည်။...
• ကျွန်ုပ်သည် အာအိရှဟ်(ရဿွိယလ္လာဟုအန်ဟာ)ထံ မေးမြန်းခဲ့သည်။ ကျွန်ုပ်က "အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) မိမိအိမ်သို့ ဝင်သည့်အခါတိုင်း မည်သည့်အရာကို ပထမဆုံး ပြုလုပ်လေ့ရှိပါသနည်း။"လျှောက်ထားမေးမြန်းရာ သခင်မက " မိစ်ဝါ...
• တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ညအချိန် (သဟဒ်ဂျုဒ်ဆွလာသ်ဝတ်ပြုရန်အတွက်) နိုးထတော်မူသောအခါတိုင်း တံပူဖြင့် မိမိပါးစပ်(သွား)ကို တိုက်တော်မူလေ့ရှိသည်။...
• ကျွန်ုပ်တို့အတွက် နှုတ်ခမ်းမွေးညှပ်ရန်၊ လက်သည်း ခြေသည်းညှပ်ရန်၊ ချိုင်းမွှေးနုတ်ရန်၊ ချက်အောက်မွှေးရိတ်ရန်နှင့် ထိုအရာများအား ရက်ပေါင်း (၄၀) ထက်ကျော်လွန်ပြီး မထားကြရန် အချိန်သတ်မှတ်ပေးခြင်း ခံထားရသည်။...