ఈ హదీసులో ప్రవక్త సల్లల్లాహు అలైహి వసల్లం ఇస్లాం ధర్మములోని ఐదు స్వాభావిక ఆచరణల గురించి తెలియ జేసినారు. ఇవి గతించిన ప్రవక్తల సున్నత్’లోని భాగముగా కూడా ఉండేవి. వాటిలో మొదటిది: ‘అల్ ఖితాన్’ (సుంతీ) – అంటే పురుషులలో శిశ్నాగ్రమును కప్పుతూ వదులుగా ఉండే చర్మాన్ని కత్తిరించుట, అలాగే స్త్రీలలో సంభోగపు ప్రదేశానికి (యోనికి) పై భాగాన ఉండే యోని శీర్షాన్ని కత్తిరించుట. రెండవది: ‘అల్’ఇస్తిహ్’దాద్’ – అంటే జననాంగాలపై మరియు జననాంగాల పరిసరాలలో మొలిచే వెంట్రుకలను తొలగించుట. మూడవది: మీసాలను కత్తిరించుట (కురుచవిగా చేయుట). నాలుగవది: గోళ్ళు కత్తిరించుట. ఐదవది: చంకలలోని వెంట్రుకలు తొలగించుట.

• ఇందులో అల్లాహ్ ఇష్టపడే ప్రవక్తల సున్నతుల యొక్క ప్రస్తావన ఉన్నది. వాటి పరిపూర్ణత కొరకు, తద్వారా స్వీయ సౌందర్యము (పరిశుద్ధత) కొరకు వాటిని ఆచరించమని అల్లాహ్ ఆదేశిస్తున్నాడు.
• ఈ హదీసులో - ఈ విషయాలను ఆచరణలో పెట్టాలని, వాటిని నిర్లక్ష్యం చేయరాదనే సూచన ఉన్నది.
• ఈ ఆచరణలలో ప్రాపంచిక ప్రయోజనాలు మరియు ధార్మిక ప్రతిఫలాలు ఉన్నాయి. ఉదాహరణకు రూపము సౌందర్యవంతమగుట, శారీరక పరిశుభ్రత, పరిశుద్ధతల గురించి అప్రమత్తంగా మరియు సావధానంగా ఉండుట, (ఈ విషయాలలో) అవిశ్వాసులను వ్యతిరేకించుట, మరియు అల్లాహ్ యొక్క ఆదేశపాలన చేయుట.
• ఈ హదీసులో పేర్కొన్న ఐదు గాక వేరే హదీసులలో సహజసిద్ధ (స్వాభావిక) ఆచారాలు / ఆచరణలుగా అదనంగా మరికొన్ని ఆచారాలను / ఆచరణలను పేర్కొనుట జరిగినది – అవి గడ్డము పెంచుట, పలుదోము పుల్ల (మిస్వాక్’) ఉపయోగించుట మొదలైనవి.

1. హోమ్
2. ఫిఖ్ మరియు దాని నియమాలు
3. ఆరాధనల ధర్మశాస్త్ర జ్ఞానం
4. తహారత్
5. ప్రకృతి మార్గాలు
6. హదీస్

• “మీసాలను కత్తిరించడం, గోళ్ళు కత్తిరించడం, చంకలలోని వెంట్రుకలు తీయడం మరియు నాభి క్రింది భాగములోని వెంట్రుకలు (జఘన వెంట్రుకలు) గీసుకోవడం గురించి మాకు ఒక సమయ పరిమితి విధించబడింది - మేము వాటిని నలభై రాత్రులకు మించి వదిలివేయరాదు.”...
• “రాత్రిపూట ప్రవక్త సల్లల్లాహు అలైహి వసల్లం నిద్ర నుండి లేచినట్లయితే, వారు ‘సివాక్’ తో (పందోము పుల్లతో) పళ్ళను శుభ్రపరుచుకునేవారు.”...
• “సివాక్ (పంటిపుల్ల) నోటిని శుభ్రపరుస్తుంది మరియు ప్రభువు (అయిన అల్లాహ్) ను ప్రసన్నుడిని చేస్తుంది...
• మీసాలు కత్తిరించండి మరియు గడ్డాన్ని వదిలేయండి (పెంచండి)