ඉස්ලාම් දහමින් වූ හා දූතවරුන්ගේ පිළිවෙත් අතරින් වූ කරුණු පහක් සම්බන්ධයෙන් නබි (සල්ලල්ලාහු අලයිහි වසල්ලම්) තුමාණෝ පැහැදිලි කළහ: ඒවායින් පළමුවැන්න: චර්මඡේදනයයි. එනම් පුරුෂ ලිංගයේ මුණ්ඩයට ඉහළින් වැසී ඇති අමතර හම් කොටස කපා හැරීම හා කාන්තාවගේ යෝනි මාර්ගයට ඉහළින් වැසී ඇති හම් කොටස ඉවත් කිරීමය. දෙවැන්න: ලිංගාශ්‍රිත රෝම බෑම. එනම්, ලිංගය අවට වැවී ඇති රෝම බෑමය. ඒවායින් තුන්වැන්න: උඩු රැවුල කැපීම, එනම්: පිරිමියකුගේ උඩු තොලට ඉහළින් වැවී ඇති රැවුල, තොල පෙනෙන සේ කපා හැරීමය. සිව්වැන්න: නියපොතු කැපීම. පස්වැන්න: කිහිලි රෝම ඉවත් කිරීම.

• අල්ලාහ් ඒවා ගැන ප්‍රිය කරන, ඒවා ගැන තෘප්තියට පත් වන අතර, ඒවා සම්බන්ධයෙන් නියෝග කර ඇති. ධර්ම දූතවරුන්ට හිමි වූ පිළිවෙත් පූර්ණත්වය, පිරිසිදු කම හා අලංකාරය ලබා දෙයි.
• මෙම කරුණු පුරුද්දක් ලෙස පිළිපැදීම ආගමානුගත කරන ලද්දකි. ඒ ගැන නොසැළකිලිමත් නොවිය යුතුය.
• මෙම කරුණුවල ආධ්‍යාත්මික හා ලෞකික ප්‍රයෝජන ඇත. ඒ අතරින්: තම රුව අලංකාර කර ගැනීම, ශරීරය පිරිසිදුව තබා ගැනීම, පිරිසිදුකම පිළිබඳ සැලකිලිමත් වීම, දේවත්වය ප්‍රතික්ෂේප කරන්නන්ට වෙනස්ව කටයුතු කිරීම සහ අල්ලාහ්ගේ නියෝගය පිළිපැදීම වේ.
• මෙම කරුණු පහ හැරෙන්නට යටි රැවුල වැවීම, දත් පිරිසිදු කිරීම වැනි පෙර සිට පැවත එන වෙනත් කරුණු ද හදීස්වල සඳහන් වී ඇත.

1. මුල් පිටුව
2. ආගමික නීති හා එහි මූලධර්ම
3. වත්පිළිවෙත් පිළිබඳ ආගමික නීති
4. පිරිසිදුකම
5. පෙර සිට පැවත එන පිළිවෙත්
6. නබි වදන

• උඩු රැවුල කොට කිරීම, නියපොතු කපා හැරීම, කිහිලි රෝම ඉවත් කිරීම, රහස්‍ය පෙදෙසේ ඇති රෝම බෑම යනාදිය දින හතළිහකට වඩා අත් නොහරින මෙන් එතුමාණෝ අපට නියම කළහ...
• නබි (සල්ලල්ලාහු අලය්හි වසල්ලම්) තුමාණන් තම නිවසට පිවිසුනු විට හෙතෙම කවර කරුණකින් ආරම්භ කළේ ද? යැයි මම ආඉෂා (රළියල්ලාහු අන්හා) තුමියගෙන් විමසුවෙමි. එවිට ඇය: "දත් මැදීමෙනි" යැයි පැවසුවා ය...
• නබි (සල්ලල්ලාහු අලයිහි වසල්ලම්) තුමාණන් රාත්‍රියේ අවදි වූ විට තම මුඛය මිස්වාක් දැහැටියෙන් හොඳින් මැද පිරිසිදු කර ගනියි...
• පැවත එන ධර්මතා අතරින් කරුණු දහයක් ඇත. උඩු රැවුල කොට කිරීම, යටි රැවුල වැවෙන්නට හැරීම, දත් මැදීම, නාසයට ජලය යවා පිරිසිදු කිරීම, නියපොතු කැපීම, දහඩිය රැඳෙන ස්ථාන සෝදා හැරීම, කිහිලි රෝම ඉවත් කිරීම, ලිංගෙන්ද්රීය රෝම බෑම, මළ මූත්රා කළ පසු ජලයෙන් ...