නබි (සල්ලල්ලාහු අලයිහි වසල්ලම්) තුමාණන් සමූද් වාසස්ථාන අතරින් ගමන් ගත් කල්හි අපරාධ සිදු කර, තමන්ටම අපරාධ සිදු කර ගත් ඒ හේතුවෙන් දඬුවමට ලක් වූ අයගේ වාසස්ථාන වෙත පිවිසීමෙන් වැළැක්වූහ. නමුත් ඔවුන් ගැන පාඩම් ලබා, හඬා වැළපෙන්නෙකු ලෙස පිවිසෙනවානම් මිස. එය ඔවුනට අත් වූ දඬුවම තමන්ට ද අත්විය හැකැයි යන බියෙනි. පසුව එතුමාණන් නැග ආ සත්වයාට මෙල්ල කර එය පසු කර යන තෙක් වේගයෙන් ගමන් ගත්හ.

• සර්වබලධාරී අල්ලාහ් විනාශ කර දැමූ අයගේ තත්ත්වයන් ගැන සිතා බැලීම ඔවුන් කවර කරුණක වැටුනේ ද ඒ ගැන ප්‍රවේසම් වීම හා අල් කුර්ආනිය වැකි පරිශීලනය කිරීම සම්බන්ධයෙන් නොසැලකිලිමත් වීම ගැන ප්‍රවේසම් වීම.
• දඬුවමට ලක් වූ ඔවුන්ගේ වාසස්ථානවල ඔවුන්ගෙන් පසු කිසිවකු වාසය කර නැති අතර එය දේශයක් ලෙස ගෙන ද නැත. ඊට හේතුව එහි වෙසෙන පුරවැසියෙකුට අඛණ්ඩව හඬමින් ජීවත් වීමට නොහැකි බැවිනි. මෙම තත්ත්වය තුළ හැර එහි පිවිසීම තහනම් කරනු ලැබ ඇත.
• නවවි තුමා මෙසේ පවසයි: "අපරාධකරුවන්ගේ වාසස්ථාන හා විනාශ වී ගිය ස්ථාන අතරින් ගමන් ගන්නා විට, ඒ ගැන සැලකිලිමත් වීම ගැන මෙහිදී උනන්දු කරවා ඇති අතර මුහස්සිර් මිටියාවත අතරින් වේගයන් ගමන් කරන මෙන් අවධාරණය කර ඇත. මක්නිසාද යත් ඇත් සේනාව විනාශ කරනු ලැබුවේ එම ස්ථානයේදීය. එබැවින්, මෙවන් ස්ථාන හරහා ගමන් ගන්නා, තම අවධානය යොමු කළ යුතුය. බිය විය යුතුය. හඬා වැළපිය යුතුය. ඔවුන් ගැනත් ඔවුන්ගේ අරගල ගැනත් අවධානය යොමු කළ යුතුය. එවන් දැයින් අල්ලාහ් අප ආරක්ෂා කරත්වා!"
• මෙම තහනම හා අවවාදය සමූද් වාසස්ථාන මෙන්ම ඒ අර්ථයෙන්ම දඬුවම පහළ වූ සෙසු සමූහයාගේ වාසස්ථාන ද ආවරණය කරයි.
• සංචාරක, විනෝද චාරිකා සහ වෙනත් දේ සඳහා මෙම ස්ථාන සහ වාසස්ථාන භාවිතා කිරීම තහනම්ය.

1. මුල් පිටුව
2. මහිමයන් සහ ආචාරධර්ම
3. ආගමික විනය
4. ගමන්බිමන් හි නීති හා ආචාරධර්ම
5. නබි වදන

• යම් ගමනක තිදෙනෙකු පිටත්ව ගිය විට, ඔවුන් අතරින් එක් අයකු නායකයකු බවට ඔවුහු පත් කර ගත යුතුය.
• කාන්තාවකට, ඇයට මහ්රම් වන පිරිමියකු සමග මිස වෙනත් කිසිවකු සමග රාත්‍රියක් ගමන් කරන දුරක් ගමන් කිරීම අනුමත වන්නේ නැත.”...
• අපි දරුවන් සමග සානිය්යතුල් වදා නමැති ස්ථානයට ගොස් අල්ලාහ්ගේ දූතයාණන් -සල්ලල්ලාහු අලය්හි වසල්ලම්- තුමාව මුණ ගැසෙන්නෙමු....
• මෙම මිටියාවත් හා මංමාවත් තුළ නුඹලා බෙදී වෙන්ව යන්නේ නම් එය ෂෙයිතාන්ගෙන් වූවකි.