රමළාන් මාසයේ අවසන් දින දහය ප්‍රවේශ වූ විට, නබි (සල්ලල්ලාහු අලයිහි වසල්ලම්) තුමාණෝ රාත්‍රිය මුළුමණින්ම විවිධ නැමදුම් වර්ග තුළින් ජීවමාන කළහ. සලාතය සඳහා තම පවුල අවදි කළහ. සුපුරුදු පරිදි සිදු කරන නැමදුම්වලට වඩා අමතරව කැපවීමෙන් කටයුතු කළහ. ඒ සඳහා කාලය වෙන් කර තම බිරියන්ගෙන් දුරස්ව සිටියහ.

• උතුම් කාල වේලාවන් දැහැමි ක්‍රියාවන් ඉටු කිරීම තුළින් ප්‍රයෝජනයට ගැනීම සඳහා දිරි ගැන්වීම.
• නවවි තුමා මෙසේ පවසයි: රමළාන් මාසයේ අවසන් දින දහයේ අමතර ලෙස නැමදුම්වල නිරත වීම සතුටු දායක බවත් එහි රාත්‍රියන් නැමදුම් තුළින් ජීවමාන කිරීම සතුටු දායක බවත් මෙම හදීසය තුළ දක්නට ඇත.
• තම පවුලට නැමදුම් කරන මෙන් නියෝග කර සිටීම ගැත්තා ප්‍රිය කළ යුතු අතර ඔවුන් සම්බන්ධව ඉවසීමෙන් කටයුතු කළ යුතුය.
• යහ ක්‍රියාවන් කිරීම සඳහා අධිෂ්ඨානය, ඉවසීම සහ නොමසුරු උත්සාහය තිබිය යුතුය.
• නවවි තුමා මෙසේ පවසයි: "වේට්ටිය තදින් බැඳ ගත්හ යන ප්‍රකාශයේ අර්ථය පිළිබඳ විද්වත්හු විවිධ මත දරති. ඇතැමුන් පවසනුයේ එතුමාණන් (සල්ලල්ලාහු අලයිහි වසල්ලම්) සුපුරුදු පරිදි සිදු කළ දෑට වඩා අමතරව නැමදුම්වල නිරත වීම සඳහා කැපවීම යන්නය. එහි තේරුම නැමදුම්වල නියැලීමය. තවත් ප්‍රකාශයක් වනුයේ: මාගේ වේට්ටිය එම කටයුත්ත සඳහා තදින් බැඳ ගත්තෙමි යන්නයි. එනම් මම ඒ සඳහා සම්පූර්ණ ලෙස නියැලෙමි, කාලය වෙන් කළෙමි යන වගය. තවත් ප්‍රකාශයක් නම්: නැමදුම්වල නිරත වීම සඳහා කාන්තාවන්ගෙන් ඉවත්ව සිටීම පෙන්වීම සඳහා වක්‍රාකාරයෙන් පැවසූ ප්‍රකාශයක් යන්නයි.

1. මුල් පිටුව
2. ආගමික නීති හා එහි මූලධර්ම
3. වත්පිළිවෙත් පිළිබඳ ආගමික නීති
4. උපවාසය
5. රමළාන් මසෙහි අවසන් දින දහය
6. නබි වදන

• “කවරෙකු කද්ර් රාත්‍රියේ විශ්වාසයෙන් හා කුසල් බලාපොරොත්තුවෙන් යුතුව රාත්‍රී නැමදුම්වල නිරත වූයේ ද ඔහු පෙර කළ ඔහුගේ පාපකම් සඳහා ඔහුට සමාව දෙනු ලැබේ.”...
• “නුඹලා කද්ර් රාත්‍රිය රමළාන් මාසයේ අවසන් දින දහයේ ඔත්තේ දිනයන්හි සොයන්න
• “නුඹලාගේ සිහිනයම මම ද දුටුවෙමි. එය අවසන් භාගයේ හත්වැනි දින වනු ඇතැයි හැඟේ. එහෙයින් නුඹලා අතුරින් කවරෙකු එය සොයන්නේ ද අවසන් භාගයේ හත්වැනි දින එය සොයත්වා” යැයි පැවසූහ...
• කවරෙකු මා සමග ඉඃතිකාෆ් සිටින්නේද ඔහු අවසන් දින දහයේ ඉඃතිකාෆ්හි සිටිත්වා! හේතුව සැබැවින්ම මට එම රාත්රිය පෙන්වන ලදී. පසුව එය මට අමතක කරන ලදී. එහි උදෑසන ජලය හා වැලි මත මා සුජූද් කරනු දුටුවෙමි. එහෙයින් නුඹලා අවසන් දින දහයේ එය සොයාගනු....