نبي صلی الله علیه وسلم به چې کله د رمضان وروستۍ لس ورځې داخلې شوې، نو ټوله شپه به یې په ډول ډول عبادتونو سره تېروله، خپله کورنۍ به یې د لمانځه لپاره راویښوله، او په عبادت کې به یې له معمول څخه زیات کوښښ کاوه، ځان به یې عبادت ته وزګار کړ، او له خپلو مېرمنو به یې ځان ګوښه کاوه.

• په نیکو عملونو سره وقت غنیمت ګڼلو ته تشویق او لیوالتیا.
• نووي ویلي: پدې حدیث کې راځي چې د رمضان په وروستیو لسو شپو کې له معمول څخه زیات عبادت مستحب دی، او همدا رنګه یې په عبادتونو سره تېرول مستحب دي.
• بنده باید خپلې کورنۍ ته ډېره پاملرنه ولري چې په عبادت ورته امر وکړي او پر هغوی صبر وکړي.
• نېک عملونه پیاوړتیا، صبر او پرله‌پسې زغم ته اړتیا لري.
• (امام) نووي ویلي: علماوو د "شدّ المئزر" (ملا تړلو) د معنی په اړه اختلاف کړی دی، ځینو ویلې: مطلب یې د هغه صلی الله علیه وسلم لخوا په نورو وختونو کې په عبادت له خپلې عادي رویې څخه زیات کوښښ کول دي، مطلب دا چې ملا به یې د عبادت لپاره تړلی وه، لکه چې وایي: "شددتُ لهذا الأمر مئزري" یعنې د دې کار لپاره مې ملا وتړله او ځان مې ورته فارغ کړ، او ویل شوي چې: دا یوه کنایه ده، یعنې د عبادت په خاطر له ښځو څخه ځان لرې ساتل.

1. کور‌پاڼه
2. فقه او اصول یې
3. د عبادتونو فقه
4. روژه
5. د رمضان د میاشتې وروستۍ لسیزه
6. حدیث

• زه ګورم چې ستاسو خوبونه د وروستیو اوو شپو په اړه سره موافق شوي دي، نو څوک چې د قدر شپه لټوي، نو په وروستیو اوو شپو کې دې ولټوي
• د رمضان په وروستیو لسو شپو کې د قدر شپه ولټوئ
• رسول الله صلی الله علیه وسلم د (روژې د میاشتې) په وروستیو لسو شپو کې د نورو شپو په پرتله زیات زیار ویسته
• څوک چې د قدر شپه پر هغې د ایمان لرلو او ثواب په نیت - په عبادت - کې تیره کړي، د هغه تېر ګناهونه به وبخښل شي