رسول الله ﷺ د قدر شپې پسې د لټون، د هغې د لاندې کولو او پلټنې په اړه خلکو ته لارښوونه کړې چې نېک عملونه زیات کړي، او زیاته هیله مندي شته چې هر کال دا شپه د وروستۍ لسیزې په تاقو شپو کې وي چې عبارت دي له : یوویشتمې، درویشتمې، پنځه ویشتمې، اووه ویشتمې او نهه ویشتمې شپې څخه.

• د قدر د شپې فضیلت او په پلټنه یې ټینګار.
• الله جل جلاله د خپل رحمت له مخې دا شپه له خلکو څخه پټه کړې ده تر څو خلک په عبادت کې زیار وباسي، تر څو یې لاندې کړي او زیات ثوابونه وګټي.
• د قدر شپه د رمضان په وروستۍ لسیزه کې وي او زیاته هیله مندي شته چې په تاقو شپو کې وي.
• د قدر شپه د رمضان د وروستیو لسو شپو څخه یوه ده، دا هماغه شپه ده چې الله تعالی پکې قرآن کریم پر پېغمبر صلی الله علیه وسلم نازل کړ، الله تعالی دغه شپه د برکت، عظمت او د نېکو عملونو د اجر له مخې تر زرو میاشتو غوره ګرځولې ده.
• د دال توري په سکون سره "لیلة القدر" ورته ځکه ویل شوي چې یا خو: د عظمت او شرافت له مخې: لکه چې ویل کېږي: "فلانی د لوړ قدر خاوند دی، نو د شپې نسبت به داسې وي لکه: خپل صفت ته د یو شي نسبت، یعنې قدرمنه شپه، یعنې دا چې دا شپه تر پای پورې لوی قدر او لوړه مرتبه لري او له همدې امله "شریفه شپه" بلل شوې ده، الله تعالی فرمایي: ﴿ إِنَّا أَنْزَلْنَاهُ فِي لَيْلَةٍ مُبَارَكَةٍ ﴾ [الدخان: ۳] «بېشکه موږ هغه (قرآن) په یوه برکتناکه شپه کې نازل کړی». او یا دا چې د تقدیر او اندازې له مخې ورته د قدر شپه ویل شوې ده، نو معنا به یې دا وي چې دا هغه شپه ده چې پکې د ټول کال برخلیکونه او فیصلې کېږي، الله تعالی فرمایلي: ﴿ فِيهَا يُفْرَقُ كُلُّ أَمْرٍ حَكِيمٍ ﴾ [الدخان: ۴] ، «په دې (شپه) كې د هر محكم كار پرېکړه كېداى شي».

1. کور‌پاڼه
2. فقه او اصول یې
3. د عبادتونو فقه
4. روژه
5. د رمضان د میاشتې وروستۍ لسیزه
6. حدیث

• څوک چې د قدر شپه پر هغې د ایمان لرلو او ثواب په نیت - په عبادت - کې تیره کړي، د هغه تېر ګناهونه به وبخښل شي
• کله به چې ( د رمضان د میاشتې وروستۍ) لسیزه داخل شوه نو شپه به یې رڼا کړه او خپله کورنۍ به یې ( د شپې) راویښه کړه او (د عبادت لپاره به یې) ملابند کلک کړ...
• رسول الله صلی الله علیه وسلم د (روژې د میاشتې) په وروستیو لسو شپو کې د نورو شپو په پرتله زیات زیار ویسته
• زه ګورم چې ستاسو خوبونه د وروستیو اوو شپو په اړه سره موافق شوي دي، نو څوک چې د قدر شپه لټوي، نو په وروستیو اوو شپو کې دې ولټوي