တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် ရမဿွာန်လ၏ နောက်ဆုံးဆယ်ရက်ဝင်ရောက်လာသော် အေဗာဒသ်ဝတ်ပြုမှုအမျိုးမျိုးဖြင့် တစ်ညလုံး နိုးနိုးကြားကြား‌ နေတော်မူပြီး၊ မိမိ၏အိမ်သူအိမ်သားများကိုလည်း ဆွလားသ်ဝတ်ပြုရန် နှိုးတော်မူ၏။ မိမိပုံမှန်လုပ်‌နေကျထက် ပို၍ ဝတ်ပြုကိုးကွယ်မှုတွင် ပိုမိုကြိုးစားအားထုတ်တော်မူ၏။ ဝတ်ပြုကိုးကွယ်မှုအတွက် အချိန်အပြည့်ပေးကာ မိမိ၏ဇနီးကြင်ယာ‌တော်များနှင့် ခွဲခွာနေတော်မူ၏။

• ၁။ မွန်မြတ်သောအချိန်ကာလများကို ကောင်းမှုကုသိုလ်များ ပြုလုပ်ခြင်းဖြင့် အခွင့်ကောင်း ယူရန် တိုက်တွန်းထားခြင်း။
• ၂။ နဝဝီက ဆိုသည်- ဤဟဒီးစ်တော်တွင် ပါရှိသည်မှာ- ရမဿွာန်လ၏ နောက်ဆုံးဆယ်ရက်တွင် ဝတ်ပြုကိုးကွယ်မှုများကို တိုးမြှင့်ပြုလုပ်ခြင်းသည် မွတ်စ်သဟဗ် ဖြစ်သည်။ ထိုဆယ်ရက်အတွင်းရှိ ညဉ့်များကို ဝတ်ပြုကိုးကွယ်မှုများဖြင့် နိုးနိုးကြားကြား‌နေခြင်းသည်လည်း မွတ်စ်သဟဗ် ဖြစ်သည်။
• ၃။ လူသားသည် မိမိ၏အိမ်သူအိမ်သားများကို ဝတ်ပြုကိုးကွယ်ရန် အမိန့်ပေးခြင်းဖြင့် အလေးထားဂရုစိုက်သင့်သည်။ ထို့ပြင် ၎င်းတို့အပေါ် စိတ်ရှည်သည်းခံရမည်။
• ၄။ ကောင်းမှုကုသိုလ်များ ပြုလုပ်ရာတွင် ဆုံးဖြတ်ချက်ခိုင်မာမှု၊ စိတ်ရှည်မှု၊ ဇွဲလုံ့လဝီရိယတို့ လိုအပ်သည်။
• ၅။ အိမာမ်နဝဝီက ဆိုသည်မှာ - ပညာရှင်များသည် ဤဟဒီးစ်ပါ (شدّ المِئزر) "ရှဒ္ဒလ်မိအ်ဇရ" (ခါးဝတ်ပုဆိုးကိုလည်း မြဲမြံစွာချည်နှောင်တော်မူ၏) ဟူသော စကား၏ အဓိပ္ပါယ်နှင့် ပတ်သက်၍ ကွဲလွဲကြသည်။ အချို့က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် အခြားသောညများထက် ဤညများတွင် အေဗာဒသ်ခဝပ်ဆည်းမှုများကို ပိုမိုပြုလုပ်ခြင်းဖြစ်သည်ဟု ဆိုကြသည်။ ဤအဓိပ္ပါယ်အရ ဤစကားစုသည် အေဗာဒသ်ခဝပ်ဆည်းကပ်မှုအတွက် အသင့်ပြင်ဆင်ခြင်းနှင့် အားထုတ်ခြင်းကို ဆိုလိုသည်။ အာရဗီစကားတွင် (شَدَدْتُ لهذا الأمر مِئزري) "ရှဒဒ်သု လိဟာဇလ်အမရိ မိအ်ဇရီ" ဟု ဆိုကြပြီး "ဤကိစ္စအတွက် ကျွန်ုပ်၏ ခါးဝတ်ပုဆိုးကို မြဲမြံစွာချည်နှောင်လိုက်သည်" ဟု အဓိပ္ပါယ်ရသည်။ဆိုလိုသည်မှာ ထိုကိစ္စအတွက် ကျွန်ုပ်အဆင်သင့်ဖြစ်နေပြီ၊ အချိန်အပြည့်ပေးလိုက်ပြီ ဟု ဆိုလိုသည်။ အချို့က ဤစကားစုသည် အေဗာဒသ်ခဝပ်ဆည်းကပ်မှုတွင် အာရုံစူးစိုက်နိုင်ရန် ဇနီးသည်များနှင့် ခွဲခွာနေခြင်းကို ခိုင်းနှိုင်းပြောဆိုခြင်း ဖြစ်သည် ဟု ဆိုကြသည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွိယာမ်။
5. ရမဿွာန်လမြတ်၏နောက်ဆုံးဆယ်ရက်။
6. ဟဒီးဆ်

• အသင်တို့ ကဒရ်ညမြတ်အား ရမဿွာန်လ၏ နောက်ဆုံးဆယ်ရက်ထဲမှ 'မ' ညများ၌ ရှာဖွေကြလော့။
• အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) သည် (ရမဿွာန်လ၏) နောက်ဆုံးဆယ်ရက်တွင် (ရမဿွာန်လ၏)အခြားရက်များထက်ပို၍ အထူးအားထုတ် ကြိုးပမ်းတော်မူလေ့ရှိသည်။...
• မည်သူမဆို ကဒ်ရ်ညမြတ်တွင် အီမာန်ယုံကြည်မှုနှင့်တကွ အကျိုးဆဝါဗ်ကို မျှော်ကိုးပြီး အိဗာဒသ်ခဝပ်ကိုးကွယ်မှုပြုခဲ့လျှင် ၎င်းသူ ယခင်ကကျူးလွန်မိခဲ့သော အပြစ်အကုသိုလ်များ ခွင့်လွှတ်ပေးခြင်းခံရမည်ဖြစ်သည်။...
• - "အသင်တို့၏ အိပ်မက်များသည် နောက်ဆုံးခုနစ်ညတွင် တညီတညွတ်တည်း ဖြစ်နေသည်ကို ငါကိုယ်‌တော်တွေ့မြင်ရသည်။ ထို့ကြောင့် မည်သူမဆို ကဒရ်ညမြတ်ကို ရှာဖွေလိုပါက နောက်ဆုံးခုနစ်ညတွင် ရှာဖွေပါ။...