رسول الله صلی الله علیه وسلم څرګنده کړې ده چې هر هغه څه چې عقل غیبوي او له منځه یې وړي نو هغه نشه کوونکي شراب دي، برابره خبره ده که هغه څښاک وي یا خوراک، تنفس وي او یا بل څه، او دا چې هر هغه څه چې انسان نشه کوي او عقل یې له منځه وړي نو الله تعالی هغه حرام کړی او منع یې ترې فرمایلې ده، هغه که لږ وي او یا ډېر. او دا چې چا هر ډول نشه یي توکي وڅښل او په دوامداره توګه یې څښل او تر مرګه یې ترې توبه ونه وېسته نو هغه د الله تعالی د عذاب مستحق دی چې په جنت کې به یې له شرابو محروم کړي.

• د شرابو د حراموالي لامل نشه ده، نو هر هغه شی چې انسان نشه کوي، هغه که هر ډول وي حرام دی.
• الله تعالی شراب حرام کړي، ځکه چې لوی زیانونه او بدۍ پکې شتون لري.
• په جنت کې د شرابو څښل د بشپړې خوښۍ او بشپړ نعمت نښه ده.
• څوک چې په دنیا کې د شرابو له څښلو ډډه ونه کړي، الله تعالی به یې په جنت کې د شرابو له څښلو څخه محروم کړي، ځکه د عمل جزا یې له جنسه ده.
• له مرګ نه مخکې د ګناهونو څخه توبې وېستلو ته هڅول.

1. کور‌پاڼه
2. فقه او اصول یې
3. خوراکونه او څښاک
4. حرام څښاکونه
5. حدیث

• خبردار اوسئ! شراب حرام شول
• هر نشه‌وَر (مستی راوستونکی) شی حرام دی
• هر هغه څه چې زیاته اندازه یې نشه راولي، نو لږه اندازه یې هم حرام دی