တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် လေကို မကောင်းပြောခြင်း သို့မဟုတ် ကျိန်ဆဲခြင်းမှ တားမြစ်တော်မူခဲ့သည်။ အကြောင်းမှာ လေသည် ၎င်းကို ဖန်ဆင်းတော်မူသော အရှင်၏ အမိန့်ပေးခြင်းခံရသော အရာတစ်ခုဖြစ်ပြီး ကရုဏာတော်နှင့် ပြစ်ဒဏ်၏ (လေ) နှစ်မျိုးလုံးကို သယ်ဆောင်လာသောကြောင့်ဖြစ်သည်။ ထို့ကြောင့် လေကို မ‌ကောင်းပြောခြင်းသည် လက်တွေ့တွင် ၎င်းကို ဖန်ဆင်းတော်မူသော အလ္လာဟ်အရှင်မြတ်ကို မ‌ကောင်းပြောရာရောက်ပြီး အရှင်မြတ်၏ စီရင်ဆုံးဖြတ်ချက်အပေါ် မကျေနပ်ရာရောက်သည်။ထို့နောက် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် လေကို ဖန်ဆင်းတော်မူသော အလ္လာဟ်အရှင်မြတ်ထံတော်သို့သာ ပြန်လည်ဦးလှည့်ကာ လေ၏ကောင်းကျိုး၊ ၎င်း၌ရှိသော ကောင်းကျိုးနှင့် မိုးရွာစေခြင်း၊ ဝတ်မှုန်ကူးခြင်းကို သယ်ဆောင်ခြင်း စသည့် လေအား စေလွှတ်ခံရသည့်အတိုင်း ဆောင်ရွက်ခြင်း၏ ကောင်းကျိုးကို တောင်းခံရန်နှင့် ၎င်း၏ ဆိုးကျိုး၊ ၎င်း၌ရှိသော ဆိုးကျိုးနှင့် အပင်များ၊ သစ်ပင်များ ဖျက်ဆီးခြင်း၊ တိရစ္ဆာန်များသေကျေပျက်စီးခြင်း၊ အဆောက်အဦများကို ပြိုလဲ‌စေခြင်း စသည့် လေအား စေလွှတ်ခံရသည့်အတိုင်း ဆောင်ရွက်ခြင်း၏ ဆိုးကျိုးမှ အလ္လာဟ်အရှင်မြတ်ထံ ခိုလှုံခွင့်‌တောင်းခံရန် လမ်းညွှန်တော်မူခဲ့သည်။ အလ္လာဟ်အရှင်မြတ်ထံ ဤအရာများကို တောင်းခံခြင်းသည် အလ္လာဟ်အရှင်မြတ်အတွက် ကျွန်ပီသ‌ကြောင်းကို ဖော်ပြရာရောက်သည်။

• ၁။ လေကို မကောင်းပြောဆိုခြင်းမှ တားမြစ်ထားခြင်း။ အကြောင်းမှာ လေသည် စီမံခန့်ခွဲခံရသော (အလ္လာဟ်အရှင်မြတ်၏ အမိန့်တော်အတိုင်း လိုက်နာကျင့်သုံးနေသော) ဖန်ဆင်းခံတစ်ခုဖြစ်သည်။ ထို့ကြောင့် ၎င်းကို မကောင်းပြောဆိုခြင်းသည် ၎င်းကို ဖန်ဆင်းတော်မူပြီး စီမံခန့်ခွဲတော်မူသော အရှင်ကိုပင် မကောင်းပြောဆိုရာရောက်သဖြင့် သောင်ဟီးဒ်တရားတွင် ချို့ယွင်းမှုဖြစ်စေသည်။
• ၂။ အလ္လာဟ်အရှင်မြတ်ဘက်သို့ ပြန်လည်ဦးလှည့်ခြင်းနှင့် ဖန်ဆင်းခံများ၏ ဆိုးကျိုးမှ အရှင့်ထံ ခိုလှုံခွင့်တောင်းခံခြင်း။
• ၃။ လေသည် အလ္လာဟ်အရှင်မြတ်၏ အမိန့်တော်အရ တစ်ခါတစ်ရံ ကောင်းကျိုးကိုလည်းကောင်း၊ တစ်ခါတစ်ရံ ဆိုးကျိုးကိုလည်းကောင်း သယ်ဆောင်လာတတ်သည်။
• ၄။ ရှိုင်ခ်ဗင်န်ဘာဇ်က ဆိုသည်- လေကို မကောင်းပြောဆိုခြင်းသည် အပြစ်ရှိသော လုပ်ရပ်ဖြစ်သည်။ အကြောင်းမှာ လေသည် ကောင်းကျိုးနှင့် ဆိုးကျိုးနှစ်မျိုးလုံးဖြင့် စေလွှတ်ခံရသော စီမံခန့်ခွဲခံ ဖန်ဆင်းခံတစ်ခု ဖြစ်သည်။ ထို့ကြောင့် လေကို မကောင်းပြောဆိုခြင်း မပြုအပ်သလို “လေကို အလ္လာဟ်အရှင်မြတ် ကျိန်ဆဲတော်မူပါစေ” “လေကို အလ္လာဟ်အရှင်မြတ် ဖျက်ဆီးတော်မူပါစေ” “ဤလေ၌ ကောင်းချီးမင်္ဂလာ မရှိပါစေနှင့်” သို့မဟုတ် ယင်းနှင့်တူသော အခြားစကားများကိုလည်း မပြောဆိုအပ်ပေ။ ယင်းအစား မုအ်မင်န်ယုံကြည်သူတစ်ဦးသည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) လမ်းညွှန်တော်မူခဲ့သည့်အတိုင်း ဆောင်ရွက်ရမည်။
• ၅။ အပူ၊ အအေး၊ နေ၊ ဖုန်မှုန့် စသည့် အလ္လာဟ်အရှင်မြတ်၏ ဖန်ဆင်းခံများနှင့် အရှင်မြတ်၏ စီမံခန့်ခွဲမှုအောက်ရှိ အခြားအရာများနှင့် ပတ်သက်၍လည်း မကောင်းပြောဆိုခြင်းမပြုရန် တားမြစ်ချက်ကို လေနှင့် နှိုင်းယှဉ်၍ သုံးသပ်နိုင်သည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ဒုအာ၊ ဇိကိရ်တို့နှင့်သက်ဆိုင်သည့် ဖိကဟ်။
4. ဖြစ်ပေါ်လာမည့် ကိစ္စများအတွက် ဇိက်ရ်တော်များ။
5. ဟဒီးဆ်

• အကြင်သူ၏ နှာခေါင်းသည် မြေမှုန့်တို့ဖြင့် လူးထိနေပါစေ( ပျက်စီးပါစေ)၊ ထိုသူသည် ၎င်း၏ ရှေ့မှောက်တွင် ငါကိုယ်တော့်အား ဖော်ပြခံရသော်လည်း ငါကိုယ်‌တော့်အပေါ် ဆွလာသ် မပို့သခဲ့ ပေ။ အကြင်သူ၏ နှာခေါင်းသည် မြေမှုန့်တို့ဖြင့် လူးထိနေပါစေ( ပျက်စီးပါစေ)၊ ...
• မည်သူမဆို နေရာတစ်ခု၌ စခန်းချသည့်အခါ “أَعُوْذُ بِكَلِمَاتِ اللّٰهِ التَّامَّاتِ مِنْ شَرِّ مَا خَلَقَ” (အလ္လာဟ်အရှင်မြတ်၏ ပြည့်စုံတော်မူသော ကလိမဟ်တော်များအားဖြင့် (အလ္လာဟ်အရှင်မြတ်) ဖန်ဆင်းထားတော်မူသော အဖန်ဆင်းခံ ခပ်သိမ်းတို့၏ ဘေးအန္တရာယ်မှ ...
• အကြင်သူ၏ ထံတွင် ငါကိုယ်တော် (၏အမည်အား) ဖော်ပြခံရသော်လည်း ငါကိုယ်တော့်အပေါ်၌ ဆွလာသ် (ဒရူးဒ် ) မပို့သူသည် အလွန် စေနည်းတွန့်တိုသူဖြစ်သည်။...
• အကြင်သူသည် အစားအသောက်စားပြီးနောက် ဤဒုအာကို ရွတ်ဆိုမည်။ الحَمْدُ لِلَّهِ الَّذِي أَطْعَمَنِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلاَ قُوَّةٍ အဓိပ္ပာယ်။ ။ကျွန်တော်မျိုး၏အစွမ်းအစမပါရှိဘဲ ဤအစားအသောက်အား ကျွန်တော်မျိုးအား ကျွေးမွေ...