တမန်တော်မြတ်(ဆွလ္လလာဟုအလိုင်ဟိဝစလ္လမ်)၏ တောင်းဆုဒုအာတစ်ခုမှာ- «اللهم إني أسألك الهدى» (အို-အလ္လာဟ်အရှင်မြတ်၊ ကျွန်တော်မျိုးသည် လမ်းမှန်တရားကို အရှင်မြတ်ထံ တောင်းခံပါ၏။) တစ်နည်း အမှန်တရားကိုသိရှိပြီး ၎င်းနှင့်အညီ လုပ်ဆောင်ခြင်း ဖြစ်သော ဖြောင့်မတ်သော လမ်းစဉ်ကို ဆိုလိုသည်။ «والتقى» (သက္ကဝါတရားကို တောင်းခံပါ၏။) တစ်နည်း အမိန့်တော်များကို လိုက်နာခြင်းနှင့် တားမြစ်ချက်များကို ရှောင်ကြဉ်ခြင်းကို တောင်းခံပါ၏။ «والعفاف» (မကောင်းမှုမှစင်ကြယ်သန့်ရှင်းမှုကို တောင်းခံပါ၏) တစ်နည်း ခွင့်မပြုသော၊ မသင့်မလျော်သော စကား သို့မဟုတ် အပြုအမူတို့မှ ရှောင်ကြဉ်နိုင်စွမ်းကို တောင်းခံပါ၏။ «والغنى» (လိုလားတောင့်တမှုကင်းခြင်းကို တောင်းခံပါ၏) အဖန်ဆင်းခံတို့ထံမှ လိုလားတောင့်တမှုကင်းဝေးခြင်း၊ မိမိအား ဖန်ဆင်းမွေးမြူတော်မူသောအရှင် တစ်ပါးတည်းမှလွဲ၍ အခြားသူတစ်ဦးဦးကို မလိုအပ်သော အခြေအနေကို တောင်းခံပါ၏။

• ဤဂုဏ်အရည်ချင်းများ (လမ်းညွှန်မှု၊ သက္ကဝါတရားတရား၊ မကောင်းမှုမှစင်ကြယ်သန့်ရှင်းမှု၊ လိုလားတောင့်တမှုကင်းခြင်း)စသည်တို့ ၏ ထူးကဲမြင့်မြတ်မှုနှင့် ၎င်းတို့ဖြင့် ကိုယ်ကျင့်သီလဆောက်တည်ရန် တိုက်တွန်းထားခြင်း။
• တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် မိမိကိုယ်ကို ကောင်း ကျိုးဖြစ်စေရန် သို့မဟုတ် ဆိုးကျိုးဖြစ်စေရန် အာဏာမရှိပေ။ ထိုအာဏာတော်ကို စိုးပိုင်တော်မူသော အရှင်မှာ အလ္လာဟ်အရှင်မြတ်တစ်ပါးတည်းသာ ဖြစ်တော်မူသည်။
• ကောင်းကျိုးဖြစ်စေခြင်း၊ ဆိုးကျိုးဖြစ်‌စေခြင်းနှင့် အဖန်ဆင်းခံတို့အား လမ်းညွှန်ခြင်းတို့ကို စိုးပိုင်တော်မူသောအရှင်မှာ အလ္လာဟ်အရှင်မြတ်တစ်ပါးတည်းသာဖြစ်သည်။ အရှင်မြတ်နှင့်အနီးကပ်ဆုံး ကောင်းကင် တမန်၊ အရှင်မြတ်၏စေလွှတ်တော်မူခြင်းခံရသောနဗီတမန်တော် သို့မဟုတ် အခြားမည်သူတစ်ဦးတစ်‌ယောက်မျှ မစိုးပိုင်ပေ။