ဆွဟာဗဟ်သာဝကအချို့က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)အား လျှောက်ထားမေးမြန်းခဲ့ကြသည်။ ၎င်းတို့က ("အို-အလ္လာဟ်အရှင်မြတ်၏ ရစူလ်တမန်တော်) ကျွန်‌တော်မျိုးတို့သည် စားသောက်ပါသော်လည်း ဝမ်းဗိုက်တင်းတိမ်မှုကို မရရှိပါ။" တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ၎င်းတို့အား မိန့်ကြားတော်မူသည်မှာ- တမန်တော်မြတ်က - သင်တို့သည် စားသောအခါ တကွဲတပြားစီ ဖြစ်ကာ၊ တစ်ဦးချင်းစီ စားသောက်ကြသလော မိန့်တော်မူရာ သူတို့က "ဟုတ်ပါသည်" ဟု ဖြေကြားကြသည်။ ထိုအခါ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က မိန့်ကြားတော်မူသည်- သို့ဖြစ်လျှင် သင်တို့သည် တကွဲတပြားစီမဖြစ်ဘဲ စုပေါင်း၍ စားသောက်ကြလော့။ စားသောက်ရာတွင် "ဗိစ်မိလ္လာဟ်" (အလ္လာဟ်အရှင်မြတ်၏ နာမတော်ဖြင့်အစပြုပါ၏) ဟု ရွတ်ဆိုကြ‌လော့။ ထိုသို့ပြုလျှင် သင်တို့အတွက် ထိုအစားအစာတွင် ဗရ်ကသ်ကောင်းချီးမင်္ဂလာချီးမြှင့်ခြင်းခံရမည် ဖြစ်ပြီး ဗိုက်ဝခြင်း (တင်းတိမ်မှု) ရရှိပေမည်။

• စုပေါင်း၍ စားသောက်ခြင်းနှင့် စားသောက်ရာတွင် "ဗိစ်မိလ္လာဟ်"ဟု ရွတ်ဆိုခြင်းသည် အစားအစာတွင် ဗရ်ကသ်ကောင်းချီးမင်္ဂလာရရှိရန် နှင့် ယင်းကို စားသုံးခြင်းဖြင့် ဗိုက်ဝခြင်း (တင်းတိမ်မှု) ရရှိရန် အကြောင်း ရင်းတစ်ရပ် ဖြစ်သည်။
• ကွဲပြားမှုအပေါင်းသည် မကောင်းမှုဆိုးကျိုးကို ဆောင်၍ စုစည်းမှုအ‌ပေါင်းသည် ကောင်းကျိုးကို‌ ဆောင်သည်။
• စုပေါင်း၍ စားသုံးရန်နှင့် စားသောက်ရာတွင် "ဗိစ်မိလ္လာဟ်" ရွတ်ဆိုရန် တိုက်တွန်းနှိုး‌ဆော်ထားသည်။
• အိမာမ်ဆင်န်ဒီက ဤသို့ဆိုသည် - စုဝေးညီညွတ်ခြင်းဖြင့် ရိက္ခာအထောက်အပံ့များတွင် ဗရ်ကသ်ကောင်းချီးမင်္ဂလာများ ကျရောက်ပြီး၊ အလ္လာဟ်အရှင်မြတ်၏ နာမတော်ကို ရွတ်ဆိုခြင်းအားဖြင့် ရှိုင်တွာန်မိစ္ဆာသည် အစားအစာသို့ ချဉ်းကပ်ခြင်းမှ တားမြစ်ခံရသည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. အစ္စလာမ့် အာဒါဗ်စည်းကမ်းများ။
4. စားသောက်ခြင်းဆိုင်ရာ အာဒါဗ် စည်းကမ်းများ။
5. ဟဒီးဆ်

• - “ရှိုင်တွာန်သည် အလ္လာဟ်အရှင်မြတ်၏ နာမတော်ဖြင့် စတင်ခြင်း မရှိသောအစားအစာကို မိမိအတွက်ဟလာလ် အဖြစ် မှတ်ယူလေ့ရှိသည်...
• သင်တို့အနက် မည်သူမဆို စားသည့်အခါ ညာလက်ဖြင့်စားပါ၊ သောက်သည့်အခါ ညာလက်ဖြင့် သောက်ပါ။ အဘယ်ကြောင့်ဆိုသော် ဧကန်အမှန်ပင် ရှိုင်သွာန်မိစ္ဆာသည် ဘယ်လက်ဖြင့်စား၍ ဘယ်လက်ဖြင့်သောက်သည်။...
• အို-ကလေးငယ်၊ အလ္လာဟ်အရှင်မြတ်၏ နာမတော်ကိုတသ၍ ညာလက်ဖြင့်စားပါ၊ ၎င်းပြင် သင့်အနီးအနားက စားပါဟုမိန့်ကြားခဲ့သည်။...
• ပုဂ္ဂိုလ်တစ်ဦးသည် တမန်‌တော်မြတ် (ဆွလ္လလ္လာဟုအလိုင်းဟိဝစလ္လမ်)ထံပါး၌ ဘယ်လက်ဖြင့် စားနေခဲ့သည်။ ထိုအခါ ကိုယ်‌တော်က အသင်ညာလက်ဖြင့် စားပါဟု ပြောကြားခဲ့သည်။ ထိုပုဂ္ဂိုလ်က ကျွန်ုပ်မတတ်နိုင်ပါဟု ဖြေကြားခဲ့သည်။ ကိုယ်တော်က သင်မတတ်နိုင်ဘူးပေါ့ဟု မိန့်...